நண்பர்களே இந்தியாவில் இணைய சேவை கொடுப்பதில் முண்ணணி நிறுவனமாக BSNL இருக்கிறது. இதன் இணைய சேவையை பயன்படுத்தும் பலருக்கு இதன் வேகம் நாம் தேர்வு செய்த திட்டத்தின் படி வருகிறதா என்பது தெரியாது. இணைய வேகம் என்பது சர்வரின் செயல்திறன், இணைந்துள்ள கணிணிகள், நமது கணிணியின் ஹார்ட்வேர் போன்றவற்றைப் பொறுத்து சில நேரம் கூடலாம் அல்லது குறையலாம். இணைய வேகத்தை அளவிட Speedtest.net போன்ற இணையதள சேவைகளைப் பயன்படுத்திப் பார்ப்போம்.

ஆனால் இணைய வேகத்தை அளவிட BSNL சர்வர்களை வைத்தே சரிபார்த்தால் வேறு வழிகளில் அளவிடுவதை விட துல்லியமாக இருக்குமல்லவா? இதற்கு தான் BSNL தற்போது Bandwidth Meter என்ற இணைய சேவையை கொண்டு வந்துள்ளது. இதில் நீங்கள் இணைய வேகத்தை அளவிட உங்கள் இணையக் கணக்கு பற்றிய விவரங்களை ஏதும் கொடுக்கத் தேவையில்லை. கீழிருக்கும் மூன்று சுட்டிகளில் கிளிக் செய்தாலே உங்கள் இணைய வேகம் அளவிடப்படும்.

• BSNL Bandwidth Standard Meter
• BSNL Bandwidth Meter – Karnataka Server
• BSNL Bandwidth Meter - Slow Connections

இதில் உங்கள் ஐபி எண் (IP number) ,  கொடுக்கப்படும் Bandwidth அளவு, ஒரு விநாடியில் கிடைக்கும் டவுன்லோடு வேகம் ஆகியவை பட்டியலிடப்படும். இதன் மூலம் உங்களின் சரியான இணைய வேகத்தை அறிந்து கொள்ளலாம். இந்தியாவில் எங்கிருப்பினும் BSNL இணையம் வைத்திருப்பவர்கள் இந்த சேவையைப் பயன்படுத்தலாம்.

இன்றைய பதிவினை எழுதியிருப்பது  செல்வி. பொன்மலர் அவர்கள்  நம் தளத்தில் அவ்வப்போது புதிய பதிவுகள் மற்றும் புதிய எழுத்தாளர்கள் தொடர்ந்து எழுதுவார்கள் என்பதை தெரிவித்துக் கொள்கிறோம்.  இவரை பற்றியும் இவர் வலைபதிவை பற்றியும் தெரியாதவர்கள் யாரும் அறியாமல் இருக்க முடியாது.  இவர் எழுதிய பல பதிவுகள் பலருக்கு மிகவும் உபயோகமாக இருக்குமாறுதான் இவர் எழுதுவார்.  இவர் வலைப்பூவிற்கு செல்ல சுட்டி


இந்த வலைமனை தொடர்ந்து எழுதுவதும் எழுதவைப்பதும் உங்களின் தொடர்ந்து ஆதரவினால் மட்டுமே. உங்கள் ஆதரவும் பின்னூட்டங்கள்  தொடர்ந்து எங்களுக்கு வேண்டும். 


விரைவில் ஒரு புதிய பதிவுடன் உங்களை சந்திக்கிறேன்.

நன்றி மீண்டும் வருகிறேன்

» Read More...

நண்பர்களே Start Trek படத்தின் வரலாறு குறித்த புகைப்படம்.  இந்த Star Trek சீரியல் மிகவும் பிடிக்கும்.  அடுத்த படம் 2012ல் அல்லது 2013ல் வெளியாகும் என தகவல் .

விண்டோஸ் எக்ஸ்பியில் நாம் முதலில் இன்ஸ்டால் வரும் டெஸ்க்டாப் படம் பச்சை பசேலன இருக்கும் புல்வெளி தோற்றம்.  இத் மிகவும் கண்ணுக்கு குளிர்ச்சியாக இருக்கும்.  இந்த புகைப்படம் எடுக்கப்பட்ட பருவம் வசந்த காலம் ஆகும்.   வசந்த நேரம் தவிர மற்ற காலத்தில் இந்த படம் போல் தான் இருக்கும்.

மிகவும் அதிகமாக உபயோகப்படுத்தப்படும் ஆன்டி வைரஸில் எது அதிகமாக உலகம் முழுவதும் உபயோகப்படுத்தபடுகிறது என்பதை விளக்கும் படம். கீழே இந்தபடத்தை தந்தவர்கள் நம் பதிவில் முன்னர் அறிமுகப்படுத்திய 19 ஆன்டி வைரஸ்கள் கொண்டு சோதிக்கும் ஆன்லைன் ஸ்கேனர் தளத்தினர் தான் 19 ஆன்டிவைரஸ்கள் கொண்டு சோதிக்க சுட்டி

மைக்ரோசாப்ட் ஆபிஸ்க்கு மாற்று & ஏவிஜி 2012 ஆன்டிவைரஸ் இலவசமாக தரவிறக்க சுட்டி

வெளிநாட்டில் மற்றும் உள்நாட்டில் நமது வலைத்தளத்தினை படிப்பவர்கள் முடிந்தவரை வலைத்தளத்தினை பற்றி அடுத்தவருக்கு சொல்லவும்.  விளம்பரங்களையும் கிளிக் செய்தால் உதவியாக இருக்கும்.  இதுவரை நம் தளத்தினை பின் தொடர்பவர்கள் 790 பேர்  ரீடர்கள் மூலம் படிப்பவர்கள் 2270 பேர் வலைத்தளத்தினை பின் தொடரும் அனைவருக்கும் மிக்க நன்றி

நன்றி மீண்டும் வருகிறேன்

» Read More...

நண்பர்களே நாம் எப்பொழுதும் வேர்ட் எக்ஸல் போன்றவற்றிற்கு நாடுவது மைக்ரோசாப்டைதான்.  ஏன் என்றால் அது மிகவும் சுலபமாக இருக்கும் கையாள்வதற்கு என்பதாலேயே அதை உபயோகிக்கிறோம்.   இத்தனைக்கும் அந்த மென்பொருள் இலவசமில்லை பணம் கொடுத்துதான் வாங்க வேண்டும் ஆனால் இந்தியாவில் மைக்ரோசாப்ட் ஆபிஸ் திருட்டு காப்பி எடுத்துதான் உபயோகிக்கிறார்கள்.  இதற்கு பதில் இலவசமாக கிடைக்கும் ஒபன் ஆபிஸ் போன்ற மென்பொருட்களை பயன்படுத்தலாம்.  இப்பொழுது ஒரு ஆபிஸ் வெளி வந்திருக்கிறது.  அதன் பெயர் கிங்க்சாப்ட் KingSoft Office Suite 2012  இது ஒரு இலவச மென்பொருள்.

இந்த மென்பொருள் மூலம் வேர்ட், எக்ஸல், பவர்பாயிண்ட், போன்றவைகளை உருவாக்க முடியும். 

அது மட்டுமல்லாமல் மைக்ரோசாப்ட் வேர்ட் எக்ஸல் பவர்பாயிண்ட் போன்ற கோப்புகளையும் எடிட் செய்ய முடியும்.

நேரடியாக பிடிஎப் கோப்பாகவும் சேமிக்க முடியும்.

மைக்ரோசாப்ட் ஆபிஸ் 2010 கோப்புகளையும் எடிட் செய்ய முடியும்.

மென்பொருளுக்குள் டேப் வசதி உண்டு என்பதால் சுலபமாக அடுத்த கோப்பிற்கு சுலபமாக தாவலாம்.

இந்த மென்பொருளை உபயோகிக்க வெறும் 256எம்பி ராம் இருந்தால் போதும் பென்டியம் 3 சிஸ்டம் போதுமானது.

இந்த மென்பொருளின் அளவு வெறும் 70 எம்பி மட்டுமே

மென்பொருளை தரவிறக்க சுட்டி

மிகவும் பிரபலமான ஏவிஜி நிறுவனத்தின் ஆன்டி வைரஸ் 2012 இலவசமாக கிடைக்கிறது.  ஏவிஜி ஆன்டி வைரஸ் 2012 தரவிறக்க சுட்டி



அன் இன்ஸ்டால் செய்ய முடியாத மென்பொருட்களையும் அன் இன்ஸ்டால் செய்ய ஒரு அருமையான போர்டபிள் மென்பொருள் ஐ ஓ பிட் அன் இன்ஸ்டாலார்

இந்த ஐ ஒ பிட் அன் இன்ஸ்டால் மென்பொருள் தரவிறக்க சுட்டி



உலகின் முதல் விர்சுவல் ஸ்டோர் குறித்த வீடியோ உங்களுக்காக

  நன்றி மீண்டும் வருகிறேன்

» Read More...

நண்பர்களே டிவிடியிலிருந்து ISO கோப்பாக மாற்றவும் ISO கோப்பிலிருந்து டிவிடிக்கு எழுதவும் ஒரு இலவச மென்பொருள்.  இந்த மென்பொருள் CD, DVD5, DVD9, BD25 and BD50 இந்த வகைகளில் எழுத முடியும்.   
என்கிரிப்ட் செய்யப்பட்ட டிவிடிக்களையும் இந்த மென்பொருள் மூலம் நிறைய டிவிடி நகல்கள் உருவாக்க முடியும்.  இந்த மென்பொருள் அனைத்து விண்டோஸ் வெர்சன்களிலும் வேலை செய்யும். 


மென்பொருளின் பெயர் BDlot DVD ISO Master

இந்த மென்பொருள் அளவு 2.5எம்பி மட்டுமே

இந்த மென்பொருள் குறித்து மேலும் அறிந்து கொள்ள சுட்டி

மென்பொருளை தரவிறக்க சுட்டி

உங்களிடம் உள்ள ஒரு கோப்பை நீங்கள் நிறுவியிருக்கும் வைரஸ் உள்ளதா என்று சோதிப்பீர்கள்.  அந்த சோதனை முடிவில் வைரஸ் இல்லை என்று வந்த பிறகு உங்கள் நண்பருக்கு பென் ட்ரைவ் அல்லது மின்னஞ்சல் மூலம் கோப்பினை அனுப்புகிறீர்கள்.  அதை அவர் தரவிறக்கும் பொழுது அவருடைய ஆன்டி வைரஸ் வைரஸ் இருக்குது என்று தெரிவித்தால் எப்படி இருக்கும்.  நாம் வைரஸ் சோதனை செய்த பிறகு  அவருடைய கணினியில் மட்டும் நமது கோப்பில் வைரஸ் இருக்கிறது என்று நினைக்கிறீர்களா??


ஒரு நிமிடம் பொறுங்கள் அனைத்து ஆன்டிவைரஸ்களும் எல்லா வைரஸ்களுக்கு எதிராக போராடுவதில்லை சில வைரஸ்களை தவறவிடுகின்றனர்.  அதனால் அவர்களை நொந்து கொள்வதில் பிரயோஜனம் இல்லை.  இதற்கு வழி இல்லையா என்றால் வழி இருக்கிறது.  மல்டிபிள் வைரஸ் ஸ்கேனர் கொண்டு சோதிப்பது.  இது மாதிரி மல்டிபிள் ஆன்டிவைரஸ் ஸ்கேனர் மென்பொருள் இல்லை என்று நினைப்பீர்கள் உண்மைதான்.  நிறுவும் வகையிலான பொருள் இல்லை ஆனால் ஆன்லைன் மென்பொருள் உண்டு.  ஆம்  இந்த வலைத்தளம் பெயர் மெட்டஸ்கேன் META SCAN
இந்த வலைத்தளம் 19 வகையான ஆன்டி வைரஸ்களை கொண்டு சோதித்து அறிகிறது.

AVG
Eset
F-Prot
Avira
McAfee
Quick Heal
Avast
Bit Defender
Bullgard
Calmwin
Emisoft
Kingsoft
Norman
Sophos
Norton
Virusbuster
Fortinet
F-Secure
GFI

மேலுள்ள அனைத்து வைரஸ் என்ஜின்கள் கொண்டும் சோதித்து அறியப்படுகிறது

இந்த வலைத்தளத்தில் 40 எம்பி வரை உள்ள கோப்புகளை சோதித்து அறியலாம்.

வலைத்தள முகவரி சுட்டி


அனைவருக்கும் ரம்ஜான் மற்றும் விநாயகர் சதுர்த்தி வாழ்த்துக்கள்.


நன்றி மீண்டும் வருகிறேன்.

» Read More...

நண்பர்களே இது வரை கூகிள் மேப் வழியாக ஒவ்வொரு நாட்டில் உள்ள நகரங்களையும் அதனுள் இருக்கும் ஊர்களையும் தெரிந்து கொண்ட நாம் இனி அந்த அந்த நகரங்களில் என்ன வானிலை நிலவுகிறது என்றும் தெரிந்து கொள்ளலாம்.

இந்த கூகிள் மேப்பில் அது மட்டுமல்லாமல் வானிலையினை சென்டிகிரேடாகவும் மற்றும் பாரன்கீட் என்னும் அளவையாகவும் தெரிந்து கொள்ள முடியும். 

இப்பொழுது மழை பெய்தால் கூடவே காற்றும் அடிக்கும்.  அந்த காற்றடிக்கும் வேகத்தினையும் கணக்கிட்டு கூறுகிறது கூகிள்.  அதன் வேகம் மைல் வேகத்தில் எவ்வளவு வேகம் என்றும் கிலோ மீட்டர் வேகத்தில் எவ்வளவு வேகம் என்றும் தெரிந்து கொள்ள முடியும். 

இது மட்டுமல்லாமல் அந்த நகரத்தில் வெப்கேம் இருந்தால் அதன் மூலம் வானிலை எப்படி இருக்கிறது என்றும் நேரடியாக தெரிந்து கொள்ள முடியும்.

கூகிள் மேப் செல்ல சுட்டி

நம் கணினியில்  ஹார்ட் டிஸ்க் எவ்வளவு என்று கேட்டல் உடனே 500ஜிபி அல்லது 1 டிபி என்று கூறுவார்கள்.  அந்த 1 டிபி என்பது எத்தனை எம்பி என்று யாரையாவது கேட்டால் திணறுவார்கள்.  இந்த எம்பி ஜிபி டிபி போன்ற கணக்குகளை கால்குலேட் செய்ய ஒரு திறந்த நிலை மூலப்பொருள் (Open Source Applications) உள்ளது.  அதை தரவிறக்க சுட்டி

இதையே ஆன்லைனில் தெரிந்து கொள்ள இந்த சுட்டி

இனி உங்கள் நண்பர் கேட்டால் இதில் போட்டு உடனே சொல்லி விடுவீர்கள் அல்லவா?


பிடிஎப் ரீடர் நிறுவாமல் கூகிள் குரோம் வழியாகவே பிடிஎப் ரீடரில் படிக்கலாம்.  ஆம் உங்கள் கணினியில் Google Chrome புதிய பதிப்பு நிறுவப்பட்டிருந்தால் போதும்.  உங்களுடைய பிடிஎப் கோப்பின் மேல் வலது கிளிக் செய்யுங்கள்.

அதில் Properties தேர்வு செய்யுங்கள்.

Opens With என்ற இடத்தில் Change என்ற பட்டனை கிளிக் செய்து அதில் உங்கள் Google Chrome.exe என்பதனை தேர்வு செய்யுங்கள்.
 
முடிந்தது இனி உங்கள் பிடிஎப் கோப்புகளை பிடிஎப் ரீடர் மென்பொருள் இல்லாமலேயே படிக்கலாம்.


ஒரு அடுத்த மாதம் விநாயகர்சதுர்த்தி வருகிறது என்று வைத்துக் கொள்ளுங்கள் இன்னும் எத்தனை நாள் என்றால் மனதினுள் கணக்கு போட்டு சொல்வீர்கள்.  அதற்கு பதில் இந்த மென்பொருளை உபயோகியுங்கள்.  இந்த தேதியிலிருந்து இந்த தேதிக்கு எத்தனை நாட்கள் என்றால் உடனே இத்தனை மாதம் இத்தனை வாரம் இத்தனை நாட்கள் இருக்கிறது என்று கூறிவிடும்.

இந்த மென்பொருளை தரவிறக்க சுட்டி

என்னுடைய பிறந்தநாளுக்கு எத்தனை நாட்கள் இருக்கிறது என்பதனை தெரிந்து கொள்ள மேலுள்ள படத்தினை பாருங்கள்.

  நன்றி மீண்டும் வருகிறேன்.

» Read More...

நண்பர்களே நாம் நிறைய வீடியோ மற்றும் ஆடியோ கோப்புகள் மற்றும் புத்தகங்களை தரவிறக்கம் செய்வோம்.

 எந்த மாதிரி தளத்தில் செய்வோம் என்றால் Bittorent, Rapidshare, Megaupload, MediaFire, Hotfile, Netload.in, FIlesonic, Easy-share, Megashare, மற்றும் Fileserve போன்ற தளங்களில் இருந்து தரவிறக்கம் செய்வோம்.  இதில் உள்ள அனைத்திலும் ஒரு பிரச்சனை நேரம் மற்றும் தரவிறக்கும் வேகம் தான்.  ஒரு தளங்களில் ஒரு கோப்பினை தரவிறக்கம் செய்ய முயற்சி செய்தால் முதலில் தரவிறக்க 60 விநாடிகள் வரை காத்திருக்க வேண்டும்.  அதன் பிறகு தரவிறக்கம் செய்ய வேண்டும்.  அது மட்டுமல்லாமல் தரவிறக்க வேகம் மிகவும் குறைவாகவும் இருக்கும். 

இதை தீர்க்க ஒரு இலவச தளம் உள்ளது.  அதன் பெயர் fetch.io  இது ஒரு Cloud Computing முறையில் இயங்ககூடிய தளம்.

இந்த வலைத்தளம் மூலம் Bittorent, Rapidshare, Megaupload, MediaFire, Hotfile, Netload.in, FIlesonic, Easy-share, Megashare, மற்றும் Fileserve போன்ற தளங்களில் நேரக் காத்திருப்பு இல்லாமல் தரவிறக்க முடியும்.


இதில் ஒரே நேரத்தில் பலதரப்பட்ட தளங்களிலுருந்து தரவிறக்கம் செய்ய முடியும்.

தரவிறக்கப்படும் வீடியோ கோப்புகள் நேரடியாக MP4 ஆக மாற்றி தரும்.



இந்த வலைத்தளத்தில் மூலம் நான் பத்து எம்பி உள்ள வீடியோ கோப்புகள் ஓரு மூன்று விநாடிகளுக்குள் தரவிறக்கித்தந்தது.

இணையத்தள சுட்டி



நண்பர்களே  இதுவரை நம்முடைய வலைத்தளத்தின் பெயரை தன்னுடைய வலைத்தளத்தின் டாப் டென்னில் இடம்பெறச் செய்த நண்பரும் பதிவருமான திரு. பிரபு என்கிற சாய்தாசன் அவர்களுக்கு எனது நன்றி

இனி நமது வலைத்தளத்தின் சுட்டிகள் அவருடைய டாப் டென்னில் வெளிவராது.

ஏன் வெளிவராது என்று கேட்பவர்களுக்கான பதில் இதற்கு முன் இட்ட பதிவான  பிடிஎப் பாஸ்வேர்ட் கண்டுபிடிக்க மற்றும் வைபை வாட்சர் உங்களுக்காக என்ற பதிவினை நீக்கினால் மட்டுமே நம் பதிவுகள் வெளிவரும் என்று கூறிவிட்டார்.   எனக்காக நிறைய உதவிகள் செய்தவர் அதுமட்டுமல்லாமல் நிறைய அறிவுரைகள் கூறியவர் இருந்தாலும் இதற்கான பதிலை நான் வாசகர்களிடம் இருந்து எதிர்பார்க்கிறேன்.  இந்த பதிவினை நீக்கலாமா வேண்டாம் என்று நீங்களே கூறுங்கள்.  எனக்கு குழப்பமான மனநிலையில் இருக்கிறேன்.  வாசகர்களுடைய உதவியினை எதிர்பார்க்கிறேன். 

வாசகர்களின் விருப்பத்திற்கிணங்க அந்த குறிப்பிட்ட பதிவில் சில பிடிஎப் பாஸ்வேர்ட் கண்டுபிடிக்கும் முறையை நீக்கி விட்டேன்.  தொடர்ந்து ஆதரவளிக்க வேண்டுகிறேன்.

 

நன்றி  மீண்டும் வருகிறேன்

» Read More...

நண்பர்களே தொடர்ந்து அலுவல் பணி காரணமாக வெளி இடங்களுக்கு பயணங்கள் தொடர்ந்து இருப்பதால் தொடர்ச்சியாக பதிவுகள் எழுத முடியவில்லை மன்னிக்கவும்.  இதோ ஒரு புத்தம் புதிய பதிவு உங்களுக்காகவே வாருங்கள் பதிவுக்கு செல்வோம்.

நம் வாசகர்களின் வேண்டுகோளுக்கிணங்க  பிடிஎப் பாஸ்வேர்ட் படிக்கும் முறை குறித்த பதிவுகள் நீக்கப்பட்டுள்ளது. மன்னிக்கவும் தொடர்ந்து ஆதரவளிக்க வேண்டுகிறேன்.


வயர்லெஸ் நெட்வொர்க் வாட்சர்

இப்பொழுதெல்லாம் கணினி இல்லாத வீடு கிடையாது.  அது போல இணைய இணைப்பு இல்லாத வீடும் கிடையாது.   அவ்வாறு இணைய இணைப்பு வாங்குபவர்கள் வயர்லெஸ் எனப்படும் வை-பையுடன் இணைந்து இருக்கும். இவ்வாறு கனெக்ஷன் வைத்திருப்பவர்கள் சரியான கான்பிகரேஷன் இல்லாமல் சுலபமாக கனெக்ட் செய்ய வேண்டும் என்பதற்காக வை பை பாஸ்வேர்ட் கொடுக்காமல் கான்பிகரேசன் செய்வார்கள் சிலர்.  அவ்வாறு செய்வதனால் என்ன ஆகும் திறந்த வீட்டில்  ஏதோ நுழைவது போல கிடைத்தது வழி என்று அனைவரும் நுழைந்து  உங்கள் கணக்கில் பிரவுஸ் செய்து உங்களுக்கு பில் எகிற வைப்பார்கள். 

சரி உங்கள் வயர்லெஸ்ஸில் யார் இணைந்திருக்கிறார்கள் என்று கண்டறிய இந்த சிறிய மென்பொருள் மட்டும் போதும்.

இந்த சிறிய மென்பொருள்  217 கேபி மட்டுமே

இந்த சிறிய மென்பொருள் மூலம் உங்கள் வைபையில் இணைந்திருப்பவரது ஐபி முகவரி, கணினியின் பெயர், கணினி எண் (Mac Address),  எந்த வகையான நெட்வொர்க் அடாப்டர்  என்றும் தெரிந்து கொள்ள முடியும்

மென்பொருள் தரவிறக்க முகவரி

கூகிளில் நாளுக்கு நாள் முன்னேற்றங்களை புகுத்திக் கொண்டிருக்கின்றனர் இனி உங்கள் ஜிப் மற்றும் ரேர் கோப்புகளை நேரடியாக உங்கள் கூகிள் டாக்ஸில் பார்க்க முடியும்.  ஜிப்பினுள் உள்ள கோப்புகளில் தேவையான கோப்பினை மட்டும் தரவிறக்க முடியும். கூகிளுக்கு நன்றி சொல்வோம்.  Thanks to Google & Google Team 

 எஸ் எம் மல்டிமீடியா ப்ளேயர்

இணையத்தில் எத்தனையோ மீடியா ப்ளேயர்கள் உள்ளன.  அதில் சில மிகவும் சக்கை போடுகிறது.  அது விஎல்சி, விண்டோஸ் மீடியா ப்ளேயர், கோம் ப்ளேயர்,  அந்த் வரிசையில் ஒரு புதிய மீடியா ப்ளேயர்.

அதன் பெயர் எஸ் எம் ப்ளேயர்.

இந்த மென்பொருள் மிகவும் வேகமாக வீடியோ படங்களை திறந்து படிக்க கூடியது.

உங்களால் சப்டைட்டில் சேர்த்து படம் பார்க்க முடியும்.

படத்திற்கும் ஆடியோவிற்கும் சம்பந்தம் இல்லாமல் தாமதமாக ஆடியோ வரும் அதனை நமக்கு தேவையானவை போல் மாற்ற முடியும்.

எஸ் எம் மீடியா ப்ளேயரில் இருந்து கொண்டு நேரடியாக http://www.opensubtitles.org/ வலைத்தளத்தில் தேடி சப்டைட்டிலை சேர்க்க முடியும்.  இது போன்று நிறைய வசதிகள். 

இது ஒரு திறந்த நிலை மென்பொருள் Open Source என்பதால் இன்னும் அதிகமாக மேம்படுத்தப்படும் என கட்டாயம் நம்பலாம்.

எஸ் எம் ப்ளேயர் தரவிறக்க சுட்டி  (மன்னிக்கவும் சுட்டி இணைக்க மறந்து தாமதமாக இணைத்தேன்) 

இந்த மீடியா ப்ளேயரையும் முயற்சித்து பாருங்கள் உங்களுக்கு கட்டாயம் பிடிக்கும். 

பதிவினை படிக்கிற நண்பர்கள் தொடர்ந்து நண்பர்களிடமும் உறவினர்களிடமும் நம் தளத்தினை எடுத்து கூறி விளம்பரப்படுத்தவும் முடிந்தால் விளம்பரங்களையும் கொஞ்சம் கிளி பாருங்கள்.  சிலரிடம் நம் வாசகர்களுக்காக இலவச மென்பொருள் குறித்து பேசி வருகிறேன்.  விரைவில் அது குறித்த பதிவும் வெளிவரும்.


நன்றி மீண்டும் வருகிறேன்.

» Read More...

நண்பர்களே உங்களிடம் இருக்கும் யூஎஸ்பி பென் ட்ரைவை பாதுகாக்க சில வழிகள் இங்கே கூறுகிறேன்.  முடிந்தவரை இந்த வழிகளை உபயோகித்து பென் ட்ரைவினை அதிக நாட்கள் உபயோகியுங்கள்.

இப்பொழுதெல்லாம் யூஎஸ்பி பென் ட்ரைவ் இல்லாதவர்களை பார்ப்பது மிகவும் அரிது.  கணினி எப்படி எல்லோருக்கும் தெரிந்திருக்கிறதோ அது போல் பென் ட்ரைவினையும் தெரியும் ஏன் என்றால் இப்பொழுது வரும் ம்யூசிக் சிஸ்டங்கள் எல்லாம் யூஎஸ்பி பென் ட்ரைவ் ஆதரிக்கும் வகையில் வெளிவருகிறது.  அது போலவே எல்சிடி, எல்இடி டிவிக்களும் டிவிடி ப்ளேயர்களும் பென் ட்ரைவினை ஆதரிக்கும் வகையில் வெளிவருகிறது.  அதனால் எல்லோருக்கும் பென் ட்ரைவினை பாதுகாக்கும் வழிகள் தெரிந்து கொள்ள ஆசை வருகிறது.  பென் ட்ரைவ் மட்டுமலாலம் யூஎஸ்பி பொருட்களை பாதுக்காக்க வழிகள் சில கீழே கொடுத்துளேன். 

Disabled Autorun ஆட்டோ ரன் நிறுத்தம்

பென் ட்ரைவினை கணினியில் செருகியவுடன் ஆட்டோ ரன்  ஆகும்.  இதனால் இதில் உள்ள கோப்புகள் எந்த மென்பொருள் மூலம் திறக்க வேண்டும் என்று விண்டோஸ் காட்டும்.  இதன் மூலம் வைரஸ்களும் எளிதாக தொற்றும் பென் ட்ரைவினில்.  இதை முதலில் தடுக்க வேண்டும்.  இதற்கு AutoRun Disable செய்ய வேண்டும். 
 
இதற்கு மைக்ரோசாப்டிலேயே தனியாக பேட்ச் மென்பொருள் கிடைக்கிறது.  இதை நிறுவினால் உங்கள் கணினியில் சிடி, டிவிடி, பென் ட்ரைவ் எது போட்டாலும் தானாக ப்ளே செய்யாது.  அதாவது Auto Play Run தானாக நடக்காது.

Microsoft Auto Run Disabled Patch Download Link

Scan Your Pen Drive -  பென்ட்ரைவினை சோதித்தல்

ஒவ்வொரு முறை உங்கள் பென் ட்ரைவினை கணினியில் செருகும் பொழுது உங்கள் கணினியில் உள்ள ஆன்டிவைரஸால் கட்டாயம் சோதிக்க வேண்டும்.  இதன் மூலம் கணினியிலும் வைரஸ் வராமல் தடுக்க முடியும்.  அத்துடன் பென் ட்ரைவினில் வைரஸ் இருந்தாலும் தடுக்க முடியும்.
 
அதற்கு உங்கள் கணினியில் நல்ல ஆன்டிவைரஸ் கட்டாயம் நிறுவி இருக்க வேண்டும்.  ஆன்டிவைரஸ் நிறுவுவதோடு நின்று விடாமல் உங்கள் ஆன்டி வைரஸ் தினமும் அப்டேட் ஆகிறதா என்றும் சோதித்துக் கொள்ளுங்கள்.  பென் ட்ரைவினை செருகியவுடன் உங்கள் கணினியில் Go To > My Computer > சென்று அங்கு உங்களுடைய பென் ட்ரைவினை Right Click செய்து Scan செய்யவும்.


Avira Free Antivirus Download Link


Safely Remove Your Pen Drive  பென் ட்ரைவினை பாதுகாப்பாக நிறுத்துதல்

இது முக்கியமான ஒன்று நிறைய நண்பர்கள் எப்பொழுதும் இந்த தவறினை செய்கிறார்கள்.  அது என்னவென்றால் பென் ட்ரைவில் இருக்கும் கோப்புகளை நேரடியாக பென் ட்ரைவ் வழியாக திறப்பது.  சரி திறப்பது கூட பரவாயில்லை அந்த கோப்பினை பென் ட்ரைவில் வைத்து கொண்டே வேலை செய்வது.  இதனால் என்னாகிறது பென் ட்ரைவ் தொடர்ந்து வேலை செய்ய வேண்டி வரும்.  இதனால் சீக்கிரம் பென் ட்ரைவ் பழுதாகிறது.  இதற்கு நீங்கள் என்ன செய்ய வேண்டும் என்றால் பென் ட்ரைவில் எந்த கோப்பினை எடிட் செய்ய விரும்புகிறீர்களோ அதை கணினியில் சேமித்து விட்டு பிறகு கணினியில் இருந்து எடிட் செய்யுங்கள். அதுவே மிகவும் சிறந்தது. 



அடுத்து யூஎஸ்பியை நிறுத்தாமல் அப்படியே பென் ட்ரைவினை பிடுங்குவது.  எல்லோருமே யூஎஸ்பி பொருட்களான பென்ட்ரைவ், டிவிடி ட்ரைவ் பாக்கெட் ஹார்ட் டிஸ்க்குகள் போன்றவற்றை விண்டோஸில் இணைந்திருக்கும் மென்பொருட்கள் வழியாக நிறுத்திய பிறகே எடுக்க வேண்டும்.
 
அப்படி இல்லாவிடில் சிறு மென்பொருட்கள் இருக்கிறது.   யூஎஸ்பியை நிறுத்துவதற்கென்றே வடிவமைக்கப்பட்டிருக்கிறது.  அதன் மூலம் நமக்கு தேவையான யூஎஸ்பி பென்ட்ரைவ் அல்லது வேறு எந்த யூஎஸ்பி வன் பொருட்களையும்  இந்த மென்பொருட்கள் மூலம் நிறுத்திய பிறகு எடுக்கலாம்.

USB Removal or Ejector Tool Download Link



General Tips - சில பொதுவான வழிமுறைகள்

அடுத்து நம் உபயோகிக்கும் பென்ட்ரைவினை எங்கு வேண்டுமானாலும் கொண்டு செல்வதற்காக வைத்திருக்கிறோம் என்பதற்காக அதை எப்பொழுதும் கழுத்திலேயே மாட்டி வைத்திருப்பது அல்லது மிகவும் சூடான பகுதிகளில் வைப்பது போன்றவைகளை கட்டாயம் தவிருங்கள் அத்துடன் வீட்டினுள் கணினி ஸ்பீக்கர் அல்லது ஹோம் தியேட்டர்கள் மீது பென் ட்ரைவினை வைப்பதையும் தவிர்த்து விடுங்கள்.  ஏன் என்றால் இதில் எல்லாமே காந்தசக்தி இருப்பதால் சுலபத்தில் உங்கள் டேட்டாக்கள் யூஎஸ்பி பென்ட்ரைவில் இருந்து காணாமல் போய் விடும்.   சில நேரங்களில் யூஎஸ்பி பென் ட்ரைவ் தண்ணீரில் விழுந்து விட்டால் உடனே எடுத்து துடைத்து விட்டு கணினியில் உபயோகப்படுத்தாதீர்கள்.   தண்ணீரில் விழுந்த பென் ட்ரைவினை 48 மணி நேரங்கள் கழித்தே உபயோகிக்கவும்.
 
அந்த இடைவெளியில் உங்கள் பென் ட்ரைவினை சமையல் செய்து வைத்த பாத்திரத்தில் மிதமான சூடு இருக்கும் பட்சத்தில் அதன் மேல் வைத்தால் ஓரளவு தண்ணீர் இழுக்கும் அது போல உங்கள் அரிசி வைத்திருக்கும் பாத்திரத்தில் போட்டு வைத்தால் உங்கள் பென் ட்ரைவில் இருக்கும் நீர் சுலபமாக வெளியேற்றப்படும்.  ஏன் என்றால் அரிசி நீரினை அதிகளவு உறிஞ்சும் தன்மை உடையது. 

இந்த பதிவின் மூலம் அனைவரும் தங்கள் பென்ட்ரைவ் மட்டுமல்லாமல் யூஎஸ்பி பொருட்களையும் பாதுகாத்துக் கொள்ளுங்கள். 

உங்கள் உற்சாகமிக்க பின்னூட்டங்கள் என்னை இன்னும் புதிய பதிவுகள் எழுத ஊக்கப்படுத்தும். 

நன்றி மீண்டும் வருகிறேன்.

» Read More...

நண்பர்களே நம் கணினியில் உள்ள தேவையற்ற கோப்புகளை நீக்க நிறைய முறைகளை பின்பற்றுவோம்.  அதில் ஒன்று சிசி கீளினர் உபயோகப்படுத்துவது.  இன்னொரு முறை நாமளே நீக்குவது தேவையில்லாத டெம்பரவரி கோப்புகள், இண்டெர்நெட் குக்கீகள் போன்றவற்றை நாமளே நீக்குவது.  நாமளே நீக்குவது என்பது மிகவும் சிரமமான விஷயம் என்பதால்தான் சிசிகீளினர் போன்ற மென்பொருட்கள் வந்து நம் கணினியின் பளுச்சுமையை குறைத்துள்ளது. 

சிசி கிளீனர் போன்ற ஒரு மென்பொருள்தான் ப்ளீச் பிட் Bleach Bit

இந்த மென்பொருள் ஒரு திறந்த நிலை மென்பொருள் என்பதால் இன்னும் நிறைய பேர் இதை மேம்படுத்துவார்கள் என்று கட்டாயம் நம்பலாம்.

இந்த மென்பொருள் 90க்கும் மேற்பட்ட அப்ளிகேசன்களை ஆதரிக்கிறது.

இந்த மென்பொருள் போர்ட்டபிள் மற்றும் கணினியில் நிறுவக்கூடிய வகையில் கிடைக்கிறது.

இந்த மென்பொருள் விண்டோஸ் அனைத்து வெர்சன்கள் மற்றும் லினக்ஸ் ஆதரிக்கும் வகையில் உருவாக்கப்பட்டிருக்கிறது.

Bleach Bit Installer Download Link

Bleach Bit Portable Download Link

Bleach Bit Linux Download Link


கணினியில் தொடர்ச்சியாக வேலை செய்யும் நண்பர்கள் சிறிது நேரம் கூட ஓய்வு இல்லாமல் வேலை செய்வார்கள்.  இது போல் தொடர்ச்சியாக வேலை செய்பவர்களுக்கு சிறிது நேரம் ஒய்வு எடுக்க ஞாபகமூட்டும் ஒரு சிறு மென்பொருள் இது.  இந்த மென்பொருளை நிறுவி விட்டு இவ்வளவு நேரத்திற்கு நினைவூட்டுமாறு நேரத்தினை செட் செய்து கொண்டால் போதுமானது.  எந்த கலர் வேண்டுமோ அந்த கலர் செட் செய்து கொண்டால் நீங்கள் செட் செய்த நேரத்திற்கு நேரத்துடன் நீங்கள் செட் செய்த வண்ணமும் உங்கள் கணினி மாறி  உங்களை ஓய்வு எடுக்க சொல்லி நினைவூட்டும்.  இந்த மென்பொருளின் பெயர் ஃபேட் டாப் Fade Top



Fade Top Installer Download Link  452கேபி மட்டுமே

Fade Top Portable Download Link 190கேபி மட்டுமே


இது போல இன்னும் இரண்டு மென்பொருட்கள் உள்ளன்.  அதன் லின்குகள் கீழே கொடுத்துள்ளேன்.  உபயோகப்படுத்தி பாருங்களேன்.

WorkRave Download Link

Eyes Relax Download Link


ByTubeD

யூட்யூப் பற்றி தெரியாதவர்கள் இருக்க முடியாது.  அந்த யூட்யூப் தளத்தில் கோடிக்கணக்கான வீடியோக்கள் உள்ளன.  அந்த வீடியோக்களில் சில கல்வி சம்பந்தமான வீடியோக்களும் உள்ளது.  ஒவ்வொரு வீடியோக்களும் பார்ட் 1 பார்ட் 2 என்று வரிசைப்படுத்தி ஒரு 20 பார்ட் வரை யூட்யூபில் வெளியிட்டுருப்பார்கள்.  அது போன்ற ஒன்றுக்கும் மேற்பட்ட தொடர்ச்சியான வீடியோக்களை தரவிறக்க இந்த பயர்பாக்ஸ் ஆடு ஆன் மிகவும் பேருதவியாக இருக்கும்.  இது போன்ற எந்த ஒரு வீடியோக்களையும் தரவிறக்க ஆடு ஆன் உபயோகமாக இருக்கும்.

Firefox ByTubeD Add-On Installer



Panda Antivirus Pro 2012

ஆன்டி வைரஸ் வரிசையில் பான்டா ஆன்டிவைரஸுக்கு தனி இடம் உண்டு எப்பொழுதுமே.  பான்டா ஆன்டிவைரஸ் நிறுவனம் இப்பொழுது ஆறு மாதத்திற்கான பான்ட ஆன்டிவைரஸ் ப்ரோ 2012னை இலவசமாக
வழங்குகிறது.  இந்த மென்பொருளை தரவிறக்க உங்களிடம் பேஸ்புக் கணக்கு இருந்தால் போதும்.  Facebook.com/PandaUSA இந்த லிங்கை கிளிக் செய்து செல்லுங்கள் கீழுள்ளது போல் ஒரு படம் வரும்

நீங்கள் Like Button கிளிக் செய்த பிறகு இது போல வரும்.

அவ்வளவுதான் உடனே தரவிறக்க வேண்டியதுதான்.

இது எதற்காக தெரியுமா இன்னும் நிறைய கஸ்டமர்களை தன் வசம் இழுக்க வேண்டி இது போன்று இலவசம் தருகிறார்கள் அதுவும் பேஸ்புக் கணக்கு வழியாக.

உங்களிடம் பேஸ்புக் கணக்கு இல்லை என்பவர்கள் இங்கே இருந்து நேரடியாக பான்ட ஆன்டிவைரஸ் ப்ரோ 2012னை இலவசமாக தரவிறக்கிக் கொள்ளலாம். Panda Antivirus PRO 2012 Download Link

அனைவருக்கும் நன்றி இது என்னுடைய 420வது பதிவு இது உங்களால்தான் என்னால் சாதிக்க முடிந்தது இன்னும் நிறைய எழுத உங்கள் கமெண்ட்ச் மற்றும் விளம்பர கிளிக்குகளும் மட்டுமே ஊக்கப்படுத்தும்.


நன்றி மீண்டும் வருகிறேன்

» Read More...

நண்பர்களே உங்களிடம் இருக்கும் கைப்பேசிகள் மற்றும் டிஜிட்டல் கேமராக்கள் மூலம் எடுக்கும் புகைப்படங்கள் எவ்வளவு அழகாக இருக்கிறது.  சில நேரங்களில் அந்த கைப்பேசிகளில் இருக்கும் மெமரி கார்டுகளில் தான் அனைத்து புகைப்படங்களும் சேமித்து வைக்கப்பட்டிருக்கும்.

சில நேரங்களில் நாம் கூட தவறுதலாக புகைப்படங்களை டெலிட் செய்ய நேரிடும். மெமரி கார்டுகளில் பைல் சிஸ்டம் கரப்ட் ஆகலாம். அந்த மெமரி கார்டுகள் சில நேரம் பழுது ஏற்பட்டு நீங்கள் எடுத்த புகைப்படங்கள் எதுவும் இல்லை என்று காட்டலாம்.  அல்லது அந்த கார்டினை பார்மெட் செய்ய வேண்டும் என்ற பிழைச் சொல் வரலாம்.

உதாரணத்திற்கு கீழ்க்கண்டவாறு பிழைச்சொற்கள் காட்டும்

Memory Card Error
Card not initialized
Media is not formatted. Would you like to format it now?
Read error
Memory card locked
Memory Card Corrupted

இது போன்ற பிழைச்சொற்கள் வரும் பொழுது என்ன செய்வது.

எதுவும் செய்ய முடியாது என்று நினைப்பீர்கள்.   ஆனால் இது போன்ற சமயத்தில் சில ரெகவரி மென்பொருட்கள் மூலம் எளிதாக மீட்டலாம்.

அது போன்ற ஒரு மென்பொருள்தான் போட்டோ ரெகவரி மென்பொருள்

இந்த மென்பொருளின் துணை கொண்டு மேற்கண்ட பிழைச்சொற்கள் போன்ற செய்திகள் வரும் பொழுது கூட உங்களுடைய போட்டோக்களை சுலபமாக மீட்டு எடுக்க முடியும்.

இந்த மென்பொருள் மூலம் ஹார்ட் டிஸ்க், அனைத்து வகையான மெமரி கார்டுகளில் இருந்து பழுதுபட்ட புகைப்படங்களை மீட்டு எடுக்க முடியும்.

இந்த மென்பொருள் நோக்கியா, சோனி, நிகான், கேனான் போன்ற புகைப்பட நிறுவனங்களின் கேமராவாக இருந்தாலும்  மீட்டு எடுக்க முடியும்.

புகைப்படங்கள் மட்டுமல்லாமல் ஆடியோ வீடியோ கோப்புகளையும் மீட்டு தருகிறது.

புகைப்படத்தை மீட்டு எடுக்கும் முன் ப்ரிவீயு பார்த்த பிறகு மீட்டு எடுக்கும் வசதி உள்ளது.

போட்டோ ரெகவரி மென்பொருளை தரவிறக்கச் சுட்டி


தொடர்ந்து நல்ல பதிவுகள் எழுத உங்கள் ஊக்கமே என்னை இன்னும் பதிவுகள் எழுத தூண்டும் நண்பர்களே தொடர்ந்து ஊக்கப்படுத்துங்கள். 

புதிய ஹாலிவுட் திரைப்படங்களின் வரிசையில் இப்பொழுது சக்கை போடு போடும் படம் பைரேட்ஸ் ஆப் தி கரீபியன்  இந்த படத்தின் விண்டோஸ் 7 க்கான புதிய தீம் உங்களுக்காக 20+ HD Wallpapers உடன் தருகிறார்கள்.  இதனுடைய சில படங்கள் உங்கள் பார்வைக்கு கீழே






 
 
 

 
 
பைரேட்ஸ் ஆப் தி கரிபியன் தீம் தரவிறக்க சுட்டி


 நன்றி மீண்டும் வருகிறேன்

» Read More...

நண்பர்களே உங்களிடம் உள்ள புகைப்படத்தை ஆன்லைனில் எடிட் செய்ய அருமையான தளத்தை இங்கே அறிமுகப்படுத்திகிறேன்.  இந்த வலைத்தளத்தில் இல்லாத வசதிகளே இல்லை என்று கூறலாம் போல உள்ளது.   எந்த ஒரு புகைப்படத்தையும் JPG, PNG, BMP, மற்றும் ஐகான் கோப்புகளாக மாற்ற முடியும்.

கான்ட்ராஸ்ட், பிரைட்னஸ், ஷார்ப்னெஸ் போன்றவைகளை குறைக்க ஏற்ற முடியும்.

புகைப்படத்தை எந்த கோணத்திலும் திருப்பவும், 3டி முறையில் சுழற்றவும் முடியும்.

இது போல 100க்கும் மேற்பட்ட டூல்கள் உள்ளன.

இந்த வலைத்தளத்தின் சுட்டி

இந்த வலைத்தளம் இந்தியிலும் இயங்குகிறது.  விரைவில் தமிழிலும் எதிர்பார்க்கலாம்.

கூகிள் இமெயிலில் போட்டோக்களை இணைப்பதாக இருந்தால் Labs சென்று enable செய்ய வேண்டும்.  இப்பொழுது அது இல்லாமல் நேரடியாக போட்டோக்களை ட்ராக் அன்ட் ட்ராப் முறையில் போட்டோக்களை இணைக்க முடியும் என்று கூகிள் அறிவித்துள்ளது.

சிடி மற்றும் டிவிடி எழுத நாம் எப்பொழுதும் உபயோகிப்பது நீரோ என்ற மென்பொருளாகும்.  இந்த மென்பொருளை விட வேகமாக டிவிடியில் எழுத மேஜிக் பர்னர் என்ற மென்பொருள் மிக நன்றாக இருக்கிறது.  இந்த மென்பொருள் மூலம் அனைத்து விதமான டிவிடிக்கள் சிடிக்கள் ப்ளூ ரே டிவிடிக்களை எழுத முடியும்.

மேஜிக் பர்னர் மென்பொருளை தரவிறக்க சுட்டி


நன்றி மீண்டும் வருகிறேன்

» Read More...

நண்பர்களே நாம் நம்முடைய முக்கியமான தகவல்கள் அடங்கிய கோப்புகள் அல்லது தேவையில்லாத கோப்புகளில் Del கீ கொண்டு நீக்குவோம்.  அல்லது Shift+Del கீ கொண்டு நீக்குவோம்.  வெறும் Del கீ கொண்டு நீக்கினால் Recycle Bin பகுதிக்கு சென்று விடும் அங்கிருந்து நாம் மீட்டுக் கொள்ளலாம்.  அதே Shift+Del கொண்டு நீக்கினால் Restoration என்ற மென்பொருள் கொண்டு மீட்டெடுக்கலாம்.   இது போன்ற மென்பொருட்களை கொண்டு மீட்டெடுத்தால் யார் வேண்டுமானாலும் நம் கோப்புகளை திருட்டுதனமாக மீட்டெடுத்து உபயோகிக்கலாம்.  அப்படி செய்யாமல் இருக்க வேண்டுமென்றால் Eraser என்ற மென்பொருளை கொண்டு நீக்கினால் அந்த கோப்புகள் யார் கைக்கும் கிடைக்காத வண்ணம் வன்தட்டிலிருந்து மிகவும் பாதுகாப்பாக நீக்கிவிடலாம். 

இந்த மென்பொருள்  அமெரிக்காவின் பாதுகாப்புத்துறையில் உபயோகிக்கப்பட்டு மிகவும் பாதுகாப்பான மென்பொருள் என்று சான்றளிக்கப்பட்டுள்ளது.

இந்த மென்பொருள் ஒரு ஒபன் சோர்ஸ் மென்பொருளும் கூட

இந்த மென்பொருள் விண்டோஸ், லினக்ஸ், மற்றும் மேக் கணினிகளில் பயன்படுத்தும் வண்ணம் தனி தனி மென்பொருளாக கிடைக்கிறது.

இந்த மென்பொருளை கடந்தா வாரம் மட்டும் 30000க்கும் மேற்பட்டவர்கள் தரவிறக்கி உபயோகித்து நன்றாக உள்ளது என்று கூறியிருக்கிறார்கள்.

இந்த மென்பொருள் வெளிவந்த வருடம் 2006

Eraser 6.0.8.2273 இந்த மென்பொருளை தரவிறக்க சுட்டி

 விண்டோஸ் 7 மற்றும் விண்டோஸ் விஸ்டாவில் அனைவருக்கும் ஒரு பிரச்சனை வரும் அந்த பிரச்சனை என்னவென்றால் விண்டோஸ் எக்ஸ்பியில் உள்ளது போல Start மெனு இல்லாததே பிரச்சனை.  இதை தீர்ப்பதற்கு ஒரு மென்பொருள் உள்ளது அதுதான் Start Menu XP இந்த மென்பொருளை நிறுவி உங்களுக்கு ஸ்டார்ட் பாருக்கு ஏற்றவாறு குரூப்கள் உருவாக்கிக் கொள்ளலாம்.  இந்த மென்பொருளை தரவிறக்க சுட்டி

பெரிய பெரிய வலை முகவரிகளை சிறியதாக மாற்ற நாம் bit.ly, goo.gl, is.gd,mcaf.ee போன்ற வலைத்தளங்களுக்கு சென்று பெரிய வலை முகவரிகளை சிறிய முகவரியாக மாற்றி மின்னஞ்சல் செய்வோம். 

அது போல செய்ய ஒவ்வொரு தளத்திற்கும் செல்லாமல் நம் வலை உலாவியிலிருந்து செய்ய சிறு மென்பொருட்கள் உள்ளது.  அதை நிறுவினால் போதும்.

பயர்பாக்ஸ் Firefox உலாவியில் நிறுவ நீட்சி சுட்டி இது கூகிள், மெக்காபி, மற்றும் பிட் லி போன்ற வலைத்தளங்கள் செல்லாமல் வலை முகவரிகளை சுருக்கலாம்.

 

பிட் லி வலை முகவரி சுருக்கி மென்பொருள் 

பயர்பாக்ஸ் Firefox  வலை உலாவியில் நிறுவ நீட்சி சுட்டி

கூகிள் குரோம் வலை உலாவியில் பிட்லி வலை முகவரி சுருக்கி நீட்சி சுட்டி 

இந்த நீட்சிகள் இரண்டும் பிட்லி வலைத்தளத்தை மட்டுமே  கொண்டு செயல்படுகிறது.

கூகிள் வலை முகவரி சுருக்கி நீட்சி குரோம் வலை உலாவியில் மட்டுமே செயல்படும். கூகிள் குரோமிற்கான நீட்சி சுட்டி

ஒரு அறிவிப்பு 

இந்த வலைத்தளம் மூலம் எனக்கு எதுவும் எந்த ஆதாயமும் கிடைக்காமல் இருந்து வருகிறது. ஆனாலும் தொடர்ந்து பல பதிவுகளை  கஷ்டப்பட்டு தான் இந்த பதிவுகளை எழுதுகிறேன்.  அதனால் நான் எழுதும் பதிவுகள் அனைத்தும் அனைவருக்கும் உபயோகமானவை என்றே நம்புகிறேன்.  இவ்வாறிருக்கையில் வரும் நண்பர்கள் என் வலைத்தளத்தில் உள்ள விளம்பரங்களை கிளிக் செய்து பார்ப்பதன் மூலம் என்னால் மாதம் ஒரு சிறு தொகையை ஈட்ட முடியும் என்று நம்புகிறேன்.  ஆகையால் பதிவுகளை படிக்கும் நண்பர்கள் விளம்பரங்களை கிளிக் செய்து வருவாயை ஈட்ட உதவி செய்ய வேண்டுகிறேன். உதவுங்கள் இன்னும் தரமான ஆக்கங்களை உருவாக்க உதவுங்கள்.  அத்துடன் இந்த பதிவுகள் தரமுள்ளதாக இருக்கும் பட்சத்தில் அனைவருக்கும் இதனை பற்றி தெரியபடுத்துங்கள்.  அனைத்து திரட்டிகளிலும் நீங்கள் போடும் ஒட்டுகளினால் இன்னும் உலகம் முழுக்க தமிழர்கள் அனைவருக்கும் போய்ச் சேர ஒரு உங்கள் ஒட்டு ஒரு  வாய்ப்பாக அமையும்.

நன்றி மீண்டும் வருகிறேன்

» Read More...

நண்பர்களே அனைவருக்கும் வணக்கம்  பல அலுவல்களிடையே இந்த பதிவை எழுதிக் கொண்டிருக்கிறேன்.  நிறைய வேலைகள் வந்து குவிவதால் பதிவு எழுத தனியாக நேரம் கிடைப்பதில்லை.  ஏன் என்றால் ஒரு மென்பொருளோ அல்லது இணையத்தளத்தினை அறிமுகப்படுத்தும் பொழுது அதன் பயன்கள் மட்டுமல்லாது அதனுடைய தீமைகளைதான் அதிகம் சோதிக்க வேண்டும் ஏதும் வைரஸ் அல்லது ஸ்பைவேர் உள்ளதா என்று சோதித்து அதன் பிறகு அதன் பயன்கள் பற்றி எழுத முடியும்.

ஒரு சிறு மென்பொருள் பற்றி எழுத குறைந்தது 3 மணி நேரமாவது வேண்டும்.  அப்பொழுதுதான் அதை பற்றி பாமரனும் புரியும்படி தெளிவாக எழுத முடியும்.  அதனால்தான் கடும் அலுவல் வேலைகளுக்கிடையில் இந்த பதிவு எழுதுகிறேன்.  இந்த பதிவில் நிறைய பேர் ஏன் கூகிள் ரீடரில் நீங்கள் குடுப்பதில்லை என்று கேட்கிறார்கள்.  நான் முழு பதிவும் கூகிள் ரீடரில் கொடுத்தால் என் வலைத்தளத்திற்கு வரும் எண்ணிக்கையும் அவர்களின் மனதில் இந்த பதிவு பற்றி என்ன நினைக்கிறார்கள்.

அவர்களுக்கு இந்த பதிவு உபயோகமாக இருக்கிறதா என்று நான் தெரிந்து கொள்ள முடியாது.  அதனால்தான் கூகிள் ரீடரில் முழு பதிவினையும் வெளியிட இயலவில்லை.  என் நிலையினை புரிந்து கொள்வீர்கள் என்று நினைக்கிறேன்.  இனி பதிவிற்கு செல்வோம். 


நாம் அனைவரும் வானிலை தெரிந்து கொள்ள கூகிள் அல்லது யாகூ உதவியை நாடுவோம் அல்லது நம் கணினியில் நிறுவும் வானிலை அறிவிக்கும் மென்பொருள் மூலமாக அறிந்து கொள்வோம்.   அந்த மென்பொருள்  வெறும் வானிலை அறிவிப்பு மட்டுமே காட்ட முடியும்.  Win Thunder இந்த மென்பொருள் மூலம். வானிலை அறிவிப்பு மட்டுமல்லாமல் உங்கள் அப்ளிகேசன்களுக்கு ஒரு ஷார்ட்கட்டாகவும்  உபயோகிக்கலாம். இந்த மென்பொருளை தரவிறக்க சுட்டி


விண்டோஸ் 7ல் டாஸ்க்பாரில் நாம் உபயோகப்படுத்தும் மென்பொருட்களின் ஐகான்கள் மட்டுமே இருக்கும்.  அந்த மென்பொருட்களின் பெயர்கள் இல்லாமல் வெறும் ஐகான் மட்டுமே இருப்பதால் என்ன மென்பொருள் என்று தெரிந்து கொள்ள இயலாது.  அதற்கு இந்த மென்பொருளை உபயோகித்து எப்பொழுது வேண்டுமானல் முழு ஐகானுடன் டெக்ஸ்ட் தெரியுமாறு செய்ய முடியும் வேண்டாம் என்றால் மறைக்கவும் முடியும்.  இந்த மென்பொருளை நிறுவ Install செய்ய கூட தேவையில்லை.  நேரடியாக உபயோகிக்கலாம். தரவிறக்க சுட்டி

மென்பொருள் நிறுவிய பிறகு எப்படி இருக்கும் என்று காட்டும் படங்கள் கீழே





நம்முடைய வீடியோ டிவிடியிலிருந்து எந்த ஒரு வீடியோவிற்கும் கன்வெர்ட் Video Converter செய்ய மிகவும் உபயோகமாக இருக்கும் ஒரு மென்பொருள் இப்பொழுது சட்டரீதியாக இலவசமாக வழங்கப்படுகிறது. இந்த மென்பொருள் மூலம் எந்த ஒரு வீடியோ டிவிடியையும் உங்களுக்கு தேவையான பார்மெட்டில் மாற்ற உதவுகிறது. 

டிவிடியில் இருந்து AVI கோப்பாக மாற்றும் போது டிவிடியில் சப்டைட்டில் இருந்தால் சேர்த்து கன்வெர்ட் செய்து தரக்கூடியது இந்த மென்பொருள் 

இந்த மென்பொருளினி பெயர்  WinX DVD Ripper Platinum KungFu Edition

இந்த மென்பொருளினை சட்டரீதியான லைசென்ஸ் பெற மேலுள்ள சுட்டி கிளிக் செய்யுங்கள்.  கிளிக் செய்தவுடன் ஒரு பக்கத்திற்கு கூட்டி செல்லும் அங்கு அந்த மென்பொருளை தரவிறக்க மற்றும் லைசென்ஸ் இருக்கும்.

இந்த மென்பொருள் 2012 மே 31 தரவிறக்க முடியும்.  அத்துடன் மே 31க்குள் இந்த மென்பொருளை ஆக்டிவேசன் செய்து கொள்ள வேண்டும் இல்லாவிடில் இந்த மென்பொருள் வேலை செய்யாது.



ஒரு எச்சரிக்கை  -  Ant Video Downloader என்ற பயர்பாக்ஸ் நீட்சி உபயோகப்படுத்துபவர்களின் தகவல்கள் அதை உருவாக்கியவருக்கு அனுப்படுவதாக செய்தி வந்துள்ளது.  முடிந்தவரை அந்த நீட்சி உபயோகிக்க வேண்டாம் என்று அறிவுறுத்தப்படுகிறது.  

ஒரு அறிவிப்பு 

இந்த வலைத்தளம் மூலம் எனக்கு எதுவும் எந்த ஆதாயமும் கிடைக்காமல் இருந்து வருகிறது. ஆனாலும் தொடர்ந்து பல பதிவுகளை  கஷ்டப்பட்டு தான் இந்த பதிவுகளை எழுதுகிறேன்.  அதனால் நான் எழுதும் பதிவுகள் அனைத்தும் அனைவருக்கும் உபயோகமானவை என்றே நம்புகிறேன்.  இவ்வாறிருக்கையில் வரும் நண்பர்கள் என் வலைத்தளத்தில் உள்ள விளம்பரங்களை கிளிக் செய்து பார்ப்பதன் மூலம் என்னால் மாதம் ஒரு சிறு தொகையை ஈட்ட முடியும் என்று நம்புகிறேன்.  ஆகையால் பதிவுகளை படிக்கும் நண்பர்கள் விளம்பரங்களை கிளிக் செய்து வருவாயை ஈட்ட உதவி செய்ய வேண்டுகிறேன். உதவுங்கள் இன்னும் தரமான ஆக்கங்களை உருவாக்க உதவுங்கள்.  அத்துடன் இந்த பதிவுகள் தரமுள்ளதாக இருக்கும் பட்சத்தில் அனைவருக்கும் இதனை பற்றி தெரியபடுத்துங்கள்.  அனைத்து திரட்டிகளிலும் நீங்கள் போடும் ஒட்டுகளினால் இன்னும் உலகம் முழுக்க தமிழர்கள் அனைவருக்கும் போய்ச் சேர ஒரு உங்கள் ஒட்டு ஒரு  வாய்ப்பாக அமையும்

நன்றி மீண்டும் வருகிறேன்

» Read More...