கூகிளின் புதிய தேடல் மேம்படுத்தப்பட்ட வசதி

நண்பர்களே கூகிள் எப்பவும் தேடுதல் முன்னனியில் இருப்பது இதனால்தான் போல எந்த ஒரு பிரபலமான பெயரை மட்டும் கொடுத்து கூகிளில் தேடி பாருங்கள் வலது பக்கம் சிறு குறிப்பாக விக்கிபிடியாவிலிருந்து புகைப்படம் அவரை பற்றி சிறு குறிப்பு மற்றும் அவர் பிறந்த தேதியும் கொடுத்து அசத்துகிறார்கள் கூகிள் நிறுவனத்தினர்.
 



அதே வலது பக்கம் கீழே People also search for என்ற வார்த்தைகளுக்கு கீழ் உள்ள தேவையான புகைப்படத்தை கிளிக் செய்தால் பிரபலமானவர்களின் ஒரு லிஸ்ட் கூகிள் தேடலின் மேலே வருகிறது.   





அருமையாக இருக்கிறது. ம்ம்ம் இனி கூகிளின் காலம் தான் எல்லாம்.







 

 

நண்பர்களே ஒரு வீடியோ இது பார்த்து விட்டு எப்படி இருக்கிறது என்று சொல்லுங்கள்  சுட்டி




மீண்டும் ஒரு பதிவில் சந்திப்போம்




நன்றி மீண்டும் வருகிறேன்

» Read More...

கெட்ட பன்றிகள் விளையாட்டு மற்றும் அனைத்து பொருட்கள் வாங்க ஒரு இணையத்தளம்

நண்பர்களே மிக அதிக நாட்கள் கழித்து உங்களை சந்திப்பதில் பெரு மகிழ்ச்சியடைகிறேன்.  நிறைய நாட்கள் எழுத நேரம் இருந்தும் நம் நண்பர்கள் பலர் எழுதுவதை கவனித்து மட்டுமே வந்தேன் சில பதிவுகளுக்கு பின்னூட்டமும் இட்டிருந்தேன்.   அதை தொடர்ந்து இதோ ஒரு புதிய பதிவு எழுத்யிருக்கிறேன்.  உங்களுடைய ஆதரவும் பின்னூட்டமும் தொடர்ந்து தர வேண்டிக் கொள்கிறேன்.


விளையாட்டு அனைவருக்கும் பிடித்தமானது அதுவும் Rovio நிறுவனத்தினரால் வெளியிடப்பட்ட Angry Birds அனைவருக்கும் பிடித்து போனது குழந்தைகள் மட்டுமல்லாமல் பெரியவர்களும் இணைந்து விளையாடி சந்தோசப்பட்டனர்.

அவர்களின் அடுத்த படைப்பாக செப்டம்பர் 27 அன்று புதியதொரு விளையாட்டை அறிமுகப்படுத்துகின்றனர்.  அதே Angry Birds வில்லனை வைத்து உருவாக்கப்பட்ட விளையாட்டிற்கு Bad Piggies என்ற பெயரிடப்பட்டுள்ளது.  அதுகுறித்த ஒரு வீடியோ ட்ரெய்லர் கீழே


இந்த விளையாட்டு முதலில் ஐபோன், ஆன்ட்ராய்டு, மேக் கணினிகளில் வெளியிடுகிறது.  பிறகு அனைத்து விண்டோஸ் போன்களிலும் விண்டோஸ் இயங்குதளத்திலும் வெளியிடுகிறது.



இது ஒரு ஆன்லைன் ஷாப்பிங் தளமாகும்.  பெயர் ஷாப்க்ளூஸ்  இந்த தளத்தில் பல உபயோகமான பொருட்கள் விலை குறைவாக கிடைக்கிறது.  நான் நிறைய வாங்கியிருக்கிறேன்.  அத்துடன் நீங்கள் நூறு ரூபாய்க்கு பொருள் வாங்கினல் அதில் ஒரு ரூபாய் உங்களுக்கு Clues Bucks என்ற பெயரில் திருப்பி உங்களுக்கு தருகிறார்கள்.  முயற்சி செய்து பாருங்கள்.  வாங்குமுன் நன்றாக Terms & Conditions படித்து விட்டு வாங்கவும்.




பதிவை வெளியிட்ட பிறகு ஒரு மின்னஞ்சல் ஹுசனம்மாவிடம் இருந்து தேவை சில நிமிடங்கள் என்று தலைப்பிட்டு அனுப்பியிருந்ந்தார்கள்
பதிவருக்கு ஒரு பிரச்சனை என்றால் எத்தனை பதிவர்கள் ஓடிவருகிறார்கள் என்பதற்கு ஹுசைனம்மா ஒரு சாட்சி பிரபல பதிவர் சங்கீதாவின் அக்கா பெண்ணுக்கு என்ன நோய் என்று பார்த்தால் திடீரென்று இரண்டு இரண்டாக தெரிவது தான் "Double Vision "இந்த நோய் சிலருக்கு மட்டுமே வருவதாக கூறியுள்ளார்கள்.  அத்துடன் இந்த நோயை தீர்க்க மருந்து இல்லை எனவும் அந்த நோயின் தீவிரத்தை தடுக்க மட்டுமே மருந்துள்ளதாகவும் தெரிவித்துள்ளார். 
மருந்தின் பெயர்: REBIFF 44 MG
மருந்தின் விலை: 4400 /-
இந்த மருந்து இதை விட விலை குறைவாக வேறு எங்கும் கிடைத்தால் தெரியபடுத்தவும் முடிந்தால் வாங்கி அனுப்பவும்.   அந்த பெண் அந்த நோயிலிருந்து மீண்டு வர கடவுளை வேண்டுவோம்.  அத்துடன் அந்த பெண் நோயிலிருந்து மீண்டு வர உங்களால் முயன்ற பண உதவி செய்யவும் 

Benificiary Name: GEETHA SURESH
Bank Name: ANDHRA BANK
Branch Name:Adyar
A/C Number: 070310011013916

IFSC CODE:ANDB0000703
Address: Andhra Bank
ADAYAR Branch
NO 30 1st Main Road,
Gandhi Nagar, Adyar Chennai - 600 020
இது குறித்த முழு பதிவு இங்கே சுட்டி

இன்றைக்கு இவ்வளவுதான் திரும்பவும் அடுத்த பதிவில் உங்களை சந்திக்கிறேன்.

உங்கள் பின்னூட்டமும் உற்சாகமும் என்னை பலம் கொள்ள வைக்கிறது.


 நன்றி மீண்டும் வருகிறேன்

» Read More...

பென்டாஷோ வெற்றியாளர்கள் அறிவிப்பு

நண்பர்களே Wondershare Fantashow போட்டியில் பத்து பேர் தேர்ந்தெடுக்கப்பட்டிருக்கிறார்கள்.  அவர்களுக்கு எனது வாழ்த்துக்கள்.  அத்துடன் இந்த மென்பொருள் போட்டியில் நேற்று மதியம் 12 மணி வரை நேரம் கொடுத்திருந்தேன்.  ஆனால் என்ன காரணமோ தெரியவில்லை 841 பேர் நேரடியாக வலைத்தளம் வந்து படித்திருக்கின்றனர் ஆனால் 50 பேர் கூட கலந்து கொள்ளவில்லை.  மொத்தம் 41 பேர் மட்டுமே கலந்து கொண்டனர்.  வெற்றியாளர்களைத் தேர்ந்தெடுக்க அனைவரது பெயர்களையும் சீட்டு எழுதி குலுக்கி என் மகன் மூலம் பத்து பேர் தேர்ந்தெடுக்கப்பட்டனர்.  அவர்கள் பெயர் பின்வருமாறு:

1. தேவா
2. விஜய்
3. புர்கானி
4. கிருஷ்ணமூர்த்தி
5. அழகப்பன்.
6. சுவாமிநாதன்
7. ராஜேந்திரன்
8. பாலமுருகன்
9. வரதராஜுலு
10. கார்த்திக்

வெற்றி பெற்ற அனைவருக்கும் வாழ்த்துக்கள்



வெற்றி பெற்ற அனைவருக்கும் தனி தனி மெயிலில் லைசென்ஸ்கள் அனுப்பி வைக்கப்படும். 

அத்துடன் நீங்கள் அளித்த ஊக்கம் தினம் பதிவு எதிர்பார்க்கும் நண்பர்களுக்கும் என் மேல்  அன்பு வைத்திருக்கும் அனைவருக்கும் மிக்க நன்றி

விரைவில் வேறு ஒரு பதிவுடன் உங்களை சந்திக்கிறேன். 

நன்றி மீண்டும் வருகிறேன்.

» Read More...

பென்டா ஷோ - ஆபிஸ் 2013 இலவசமாக உங்களுக்காக

நண்பர்களே மாதம் ஒரு பதிவாது எழுத வேண்டும் என்பதில் உறுதியாக இருப்பதினால்தான் இந்த பதிவு இன்று எழுதி பதிவிட்டிருக்கிறேன்.  நம் பதிவினை மேம்படுத்த எண்ணியுள்ளேன்.  அதற்கு உங்கள் ஆதரவு வேண்டும் பதிவின் கடைசியில் ஒரு சிறு போட்டி  ஆரம்பித்திருக்கிறேன்.  பங்கு கொள்ளுங்கள் வெற்றி பெறுங்க.  பதிவிற்கு செல்வோம்.



நம் வொண்டர்ஷேர் நிறுவனத்தின் நண்பர்கள் தொடர்ந்து அவர்களுடைய மென்பொருட்களை நம்மிடம் கொடுத்து அதன் பலன்களை எழுத சொல்கின்றனர் அவர்களுக்கு என் நன்றி என் எழுத்துக்கள் அவர்களுக்கு பிடித்திருப்பதால்தான் தொடர்ந்து அவர்க்ளுடைய் மென்பொருட்களை நம் வாசக நண்பர்களிடம் அறிமுகப்படுத்துகின்றனர்.

இதோ அவர்களின் அடுத்த மென்பொருள் Wondershare Fantashow

இந்த Wondershare Fantashow மென்பொருளால் நமக்கு என்ன உபயோகம்.

உங்கள் வீட்டில் ஒரு சுப நிகழ்ச்சி உதாரணத்திற்கு மகனின் முதல் பிறந்தநாள் அதற்காக வீட்டிலேயே கேக் வெட்டி கொண்டாடுகிறீர்கள்.  அப்பொழுது வாடகைக்கு புகைப்படக்காரர் அமர்த்தி புகைப்படங்களையும் எடுப்பீர்கள்.  அப்படியே உங்களிடம் உள்ள டிஜிட்டல் புகைப்பட கேமிரா மூலம் நீங்களும் சில புகைப்படங்களை எடுப்பீர்கள். அந்த புகைப்படங்களை கணினியில் தரவேற்றிய பிறகு வெறும் போட்டோ கோப்புகளாக உங்கள் கணினியிலேயே  சேமித்து வைத்திருப்பீர்கள்.  அவ்வாறு சேமித்து வைத்திருக்கும் போட்டோக்களை உங்களுக்கு பிடித்த மாதிரி வடிவமைக்கதான் இந்த மென்பொருள் உதவுகிறது.


உங்கள் போட்டொக்களை ஒரு போட்டோ ஸ்லைடாக காட்டும் பொழுது அதன் பின்னே உங்களுக்கு பிடித்த பாடல்களை ஒலிக்க வைக்கலாம். அல்லது இந்த மென்பொருளில் கொடுத்துள்ள ஒலி கோப்புகளையும் உபயோகப்படுத்தலாம்.

உங்களுக்கு கவிதை எழுத தெரிந்தால் ஒவ்வொரு போட்டோவிற்கும் ஒரு கவிதை எழுதலாம். அல்ல்து உங்களுக்கு பிடித்த வார்த்தைகளை எழுதலாம்.

இதில் உள்ள பலவகையான் தீம்கள் உங்கள் போட்டோக்களுக்கு கூடுதல் அழகைக் கொடுக்கும் என்பதில் சந்தேகமில்லை.

அத்துடன் உங்கள் வேலை முடிந்த பிறகு அந்த வீடியோ கோப்பினை உங்கள் கணினியில் சேமிக்கலாம்.

செல்பேசியில் சேமித்துக் கொள்ள முடியும் அல்லது நேரடியாக யூட்யூபில் அல்லது டிவிடியிலோ சேமித்துக் கொள்ளலாம்.

இந்த மென்பொருளை தரவிறக்க சுட்டி

Microsoft Office 2013 Customer Preview Version இப்பொழுது தரவிறக்கும் வகையில் உள்ளது.  இதற்கு உங்களுக்கு Hotmail ID தேவை. 

ஹாட்மெயில் ஐடி இல்லாதவர்கள் இதோ நேரடியாக இங்கே இருந்து தரவிறக்குங்கள்.


Download Microsoft Office 2013 Full Offline installer
English:
Direct Download Link for Standalone Offline Installer (32-bit) (624 MB)
Direct Download Link for Standalone Offline Installer (64-bit)(702 MB)
 
மைக்ரோசப்ட் ஆபிஸ் 2003 நிறுவ உங்கள் கணினி குறைந்தபட்ச திறன் கீழ்கண்டபடி உள்ளதாக இருக்க வேண்டும்.
System Requirements for installing Microsoft Office 2013
  • 1GHZ or greater x86/x64 processor
  • 1GB RAM for 32bit and 2GB for 64bit
  • 3.5Gb free hard disk space.
  • Supported O.S: Windows 7, Windows 8, Windows Server 2008 R2 or newer.
  • Graphics: Directx10 graphics card /1024×576 resolution


சென்னை - பெங்களூர் இடையே டாய்லெட் மற்றும் சமையலறை வசதியுடன் கூடிய பேருந்து அற்முகப்படுத்தியிருக்கிறது KSRTC நிறுவனம்.  அது குறித்த வீடியோ கீழே




எப்ப நம்ம கவர்மென்ட் இந்த மாதிரி பஸ் விட போகுதோ

 Pac-Man விளையாட்டு அனைவருமே விளையாடி இருப்போம்.  அந்த பேக்-மேன் விளையாட்டினை கூகிள் கூட ஒரு டூடுலாக போட்டிருந்தது ஞாபகம் இருக்கலாம்.  அது போல இது ஒரு பேக் மேன் வீடியோ பார்த்து ரசியுங்கள்



பத்து அதிர்ஷ்டசாலிகளுக்கு இலவசமாக Wondershare Fantashow மென்பொருள் வழங்க இருக்கிறேன்.  முழு பதிப்பும் இலவசமாக பெற கீழுள்ள சில கேள்விகளுக்கு விடையளிக்குமாறு கேட்டுக் கொள்கிறேன்.

போட்டி இனிதே முடிந்தது போட்டியில் பங்கு பெற்றவர்களுக்கு வாழ்த்துக்கள். நாளை மதியம் போட்டியில் வெற்றி பெற்றவர்கள் அறிவிக்கப்படுவார்கள். நன்றி

நன்றி மீண்டும் வருகிறேன்

» Read More...

புதிய ஜிப் மென்பொருள் மற்றும் EULA குறித்த பதிவு

நண்பர்களே நீண்ட இடைவெளிக்கு பிறகு ஒரு புதிய பதிவுடன் உங்களை சந்திப்பதில் மிக்க மகிழ்ச்சி.  இதோ இன்றைய பதிவிற்கு செல்வோம். 

ஒவ்வொரு மிகபெரிய கோப்பை மின்னஞ்சலில் இணைத்து அனுப்புகையில் முடிந்த்வரை Zip சுருக்கி மூலம் சுருக்கியமைத்தே அனுப்புவோம்.  அதற்கு உதவுவதில் மிகவும் பிரபலமானது சில Winzip, WinRar, 7-zip.  இதன் வரிசையில் புதியதாக சேர்ந்திருப்பது Hao Zip ஆகும்.  இது ஐம்பதிற்கும் மேற்பட்ட ஜிப் கோப்புகளை கையாள்கிறது.  அதில் சில பின்வருவன RAR, ZIPX, ISO, UDF, ISZ, ACE, ALZ, CAB, BZIP2, ARJ, JAR, LZH, RPM, Z, LZMA, NSIS, CHM, DMG, HFS, WIM, DEB, MSI, CPIO, XAR, UUE.


இந்த மென்பொருளுக்குள்ளேயே File Format Converter, மற்றும் Image Viewer,  சேதமடைந்த ஜிப் கோப்பினை சீரமைக்கும் மென்பொருளும்  அடங்கியிருப்பது இதன் சிறப்பு.

இதனுடன் ஆன்டி வைரஸ் ஸ்கேனரும் அடங்கியிருக்கிறது. இதன் மூலம் உங்கள் கோப்புகளை ஆன்டி வைரஸ் மூலம் சோதித்த பிறகே சுருக்கும்.

அத்துடன் இந்த மென்பொருள் சீன தேசத்திலிருந்து வெளிவந்துள்ளது.  இந்த மென்பொருள் சீனாவின் மிகவும் அதிகமாக உபயோகிக்கும் ஒரு Zip Compression மென்பொருளாகும்.


இந்த மென்பொருளை தரவிறக்க சுட்டி



கடந்த  ஐந்தாம் தேதி மற்றும் ஆறாம் தேதிகளில் சூரியனுக்கும் பூமிக்கும் இடையே வெள்ளி கிரகம் கடந்தது இதனை தவறவிட்டவர்கள் அடுத்த 105 ஆண்டுகளுக்கு பிறகு மட்டுமே காண முடியுமாம்.  அது குறித்த அனிமேசன் விளக்க குறிப்பு சுட்டி


Please install latest Flash Player to run SunAeon Venus Transit 2012


நீங்கள் ஒவ்வொரு மென்பொருள் நிறுவும் பொழுது EULA ( Endu Users License Agreement ) என்பதை நீங்கள் Accept செய்தால் மட்டுமே அந்த மென்பொருளை நிறுவ முடியும்.  EULA என்பதை யாரும் படிக்க கூட மாட்டார்கள்.  இதில் கூறப்பட்ட கொள்கைகள் என்ன வென்றால் பெரும்பாலும் விளம்பரங்கள் வரும். அத்துடன் மென்பொருளில் வைரஸ் வந்தால் நிர்வாகம் பொறுப்பல்ல இது மாதிரி.


இதை எப்படி தெரிந்து கொள்வது.  இதற்கு EULA Analyzer என்ற மென்பொருள் கை கொடுக்கும். இந்த மென்பொருளை நிறுவிய பிறகு நீங்கள் நிறுவும் மென்பொருளின் EULA Agreement இதில் சேமிக்கப்படும் அத்துடன் நீங்கள் எப்போது வேண்டுமானலும் படிக்க முடியும்.  அல்லது அதில் உள்ள Analyzer EULA Agreement னை ஆராய்ந்து எந்த விதமான ரிஸ்க்குகள் உள்ளன என்பதை தெளிவுபடுத்தும்.  இந்த மென்பொருள் தரவிறக்க சுட்டி


கடந்த பதிவில்  என் மகனுக்கு பிறந்த நாள் வாழ்த்துக்கள்  மெயிலிலும் பின்னூட்டத்திலும் பேஸ்புக்கிலும் வாழ்த்திய அனைத்து உள்ளங்களும் கோடான கோடி நன்றிகள்.

விரைவில் ஒரு போட்டி ஒன்றினை நடத்த இருக்கிறேன் வெல்பவர்களுக்கு மிக அருமையான மென்பொருள் இலவசமாக தர போகிறேன். என்ன போட்டி என்று அடுத்த பதிவில் வெளியிடுகிறேன்.



நன்றி மீண்டும் வருகிறேன்

» Read More...

ஸ்லைடு ஷோ பில்டர் இலவசமாக கெளதம் பிறந்த நாள் இன்று

நண்பர்களே மே 13ஆம் தேதி அம்மாக்கள் தினம் கொண்டாடப்படுகிறது.  அம்மாக்கள் தினத்தினை கொண்டாடும் வகையில் வொன்ட்ர்ஷேர் நிறுவனம் புதியதாக ஒரு சலுகை தந்திருக்கிறது.  அதுதான் வொன்டர்ஷேர் நிறுவனத்தின் Wondershare Slideshow Builder Standard இந்த மென்பொருளை இலவசமாக தருகிறது.  இதை நீங்கள் பெறுவது மிகவும் சுலபமான வழியாகும்.
இந்த சுட்டியை கிளிக் செய்து இந்த பக்கத்திற்கு செல்லுங்கள் சுட்டி



அந்த பக்கத்தில் கடைசியில் Get Keycode என்ற ஒரு வாசகம் இருக்கும் அதை கிளிக் செய்தால் உங்கள் பெயர் மற்றும் மின்னஞ்சல் முகவரி குடுத்தால் போதுமானது.

உங்கள் மின்னஞ்சல் முகவரிக்கு மென்பொருள் தரவிறக்க சுட்டியும்.  மென்பொருளை நிறுவிய பிறகு தேவையான லைசென்ஸ் கீ கோடும் அனுப்பியிருப்பார்கள். 

இனி உங்களுக்கான Wondershare Slideshow Builder Standard முற்றிலும் இலவசமாக பயன்படுத்தாலாம். 



இந்த மென்பொருளின் விலை $49.95 இந்திய மதிப்பில் 2500 ரூபாய் மதிப்புள்ளது.  இந்த மென்பொருளின் அடுத்த வெர்சன் Wondershare Slideshow Builder Deluxe ஆகும்.  இந்த மென்பொருளை நிறுவிய பிறகு $12.95 மட்டும் செலுத்தினால் போதுமானது. இதை உங்களுக்கு வேண்டுமானால் மேம்படுத்திக் கொள்ளலாம். தேவையில்லை எனில் விட்டு விடலாம்.

இந்த மென்பொருள் மூலம் என்னவெல்லாம் செய்ய முடியும் என்பதை இந்த சுட்டியில் காணலாம்.  சுட்டி

இந்த மென்பொருள் தரவிறக்க இன்னும் பதினொரு நாட்களே உள்ளது.  உடனே முந்துங்கள்.


இன்று 04/05/2012 என் மகன் பிறந்து ஆறாவது வருடம் முடிவடைந்து ஏழாவது வருடம் தொடங்குகிறது.  ஆறு வருடத்திற்கு முன் RSRM மருத்துவமனையில் வாசலில் தவம் கிடந்தேன் எப்பொழ்து குழந்தை பிறக்கும்.  தாயும் சேயும் நலமாக இருக்க வேண்டும் எதிரில் உள்ள அம்மன் கோவிலில் கற்பூரம் ஏற்றி வழிபட்டு வந்து காத்துக் கொண்டிருந்தேன் இதோ அதோ என்று மாலை நான்கு மணி பத்து நிமிடத்திற்கு வெளி உலகை பார்த்துவிட்டான் என் மகன்.  தாயும் சேயும் நலம் என்று கூறிய செவிலிக்கு ஒரு 500ரூபாயை கொடுத்து என் சந்தோசத்தை பகிர்ந்து கொண்டேன்.

அவனுடைய பெயரில் தான் இந்த வலைப்பதிவையே தொடங்கினேன்.  இன்று வரை என் மகனை போலவே இந்த வலைப்பூவும் வளர்ந்து கொண்டு வருகிறது.  அவன் கணினியில் அமர்ந்து தட்டச்சு செய்து பழக்காமன பிறகு இந்த வலைப்பூவினை அவனுக்கு அன்பளிப்பாக கொடுக்க எண்ணியிருக்கிறேன்.  அவனுடைய ஒவ்வொரு பிறந்த நாளின் போதும் கோயம்பேட்டில் உள்ள குறுங்கலீசுவரர் கோவில் வாசலில் உள்ள ஆதரவற்றவர்களுக்கு ஒரு வேளை உணவினை வீட்டில் செய்து கொண்டு போய் அவன் கையால் கொடுத்து வருகிறேன்.   அவர்களுடைய வாழ்த்தும் நண்பர்களின் வாழ்த்தும் என் மகனை நோய் நொடியில்லாமல் வாழ வைக்க இறைவனை வேண்டிக் கொண்டு இந்த பதிவினை முடிக்கிறேன்.



 நன்றி மீண்டும் வருகிறேன்

» Read More...

கூகிள் ட்ரைவ் இன்று வெளியிடப்படுகிறது


நண்பர்களே கூகிள் நிறுவனத்தின் அடுத்த வரவான கூகிள் ட்ரைவ் இன்னும் சில மணி நேரங்களில் வெளியிடப்படுகிறது. 


கூகிள் ட்ரைவ் 5 ஜிபி வரை இலவ இடமளிக்கிறது ஆன்லைனில்.

பிடிஎப், டாக்குமென்டுகள், வீடியோக்கள், ஆடியோ கோப்புகள் என அனைத்து வகை கோப்புகளையும் சேமித்து  வைத்துக் கொள்ளலாம.

கூகிள் ட்ரைவ் குறித்து கூகிள் நிறுவனம் வெளியிட்டுள்ள வீடியோ கீழே




ட்ராக் அன்ட் ட்ராப் முறையில் பைல்களை சுலபமாக சேமிக்கலாம்.

கூகிள் ட்ரைவில் சேமிக்கும் கோப்புகளை யாருடன் வேண்டுமானலும் பகிர்ந்து கொள்ள முடியும்.

அத்துடன் ஐ போன் மற்றும் ஆன்ட்ராய்ட் போன்ற போன்களிலிருந்தும் அணுக முடியும்.


கூகிள் ட்ரைவ் செல்ல சுட்டி

கூகிள் ட்ரைவ் வெளியிடுவதை கொண்டாடும் விதமாக அனைத்தும் ஜிமெயில் உறுப்பினர்களுக்கும் முன்னர் 7.5 ஜிபி இடமளித்த ஜிமெயில் இன்று முதல் 10 ஜிபி என்று உயர்த்தி வழங்குகிறது.  என்ற சந்தோசமான விசயத்தையும் தெரிவித்துக் கொள்கிறேன்.

உங்கள் பின்னூட்டங்கள் என் தவறை திருத்திக் கொள்ள உதவும்.  உங்கள் ஓட்டு மூலம் அனைத்து தரப்பினரையும் இந்த தகவல் சென்றடைய உதவும்.


நன்றி மீண்டும் வருகிறேன்

» Read More...

சட்டரீதியான வொன்டர்ஷேர் பிடிஎப் எடிட்டர் மென்பொருள் இலவசமாக

நண்பர்களே ஒரு முழுமையான பிடிஎப் எடிட்டர் வாங்குவதென்றால் இந்திய மதிப்ப்பில் குறைந்தபட்சம் 2000கும் மேல் செலவாகும்.  இப்படி இருக்கையில் யாரும் காசு கொடுத்து வாங்காமால் பைரேட் என்ற திருட்டு மென்பொருட்கள் உபயோகிக்கின்றனர்.  இந்த மாதிரி திருட்டு பொருட்கள் தரவிறக்குபவர்களுக்கு தங்கள் கணினியில் தேவையில்லாத நச்சு தீங்கு நிரல்களும் நிறுவப்படும் என்பது தெரிவதில்லை. 

இதற்கு பதில் சில ஒபன் சோர்ஸ் மென்பொருட்கள் உள்ளன.  அதை தரவிறக்கி உபயோகப்படுத்தலாம்.  அப்படி இல்லையென்றால்  இலவசமாக சில நேரம் சில நாட்களுக்கு மட்டும் கொடுப்பார்கள்.  அதை உபயோகப்படுத்துங்கள்.   அது போல தான் நான் அறிமுகபடுத்த மென்பொருளும் கூட.  பிடிஎப் எடிட்டர் தேவையில்லை என்று சொல்பர்வர்கள் குறைவு.  அவர்களுக்காகவே இந்த மென்பதிவு

Wondershare என்ற நிறுவனத்தின் புதிய மென்பொருள் தயாரிப்பு ஆகும் இது.  இவர்கள் இதுவரை வீடியோ மென்பொருட்கள் தயாரித்து வெளியிட்டிருந்தனர்.  பிறகு மேக் கணினிக்கான பிடிஎப் எடிட்டர் தயாரித்து வெளியிட்டனர். இப்பொழுது விண்டோஸுக்கான பிடிஎப் கன்வெர்ட்டர் தயாரித்து பீட்டா அளவில் வெளியிடப்பட்டுள்ளது.

இந்த பீட்டா மென்பொருள் முற்றிலும் இலவசமாகும். ஆனால் நூறு நாட்கள் மட்டுமே வேலை செய்யும்.  இந்த மென்பொருளை நீங்கள் தரவிறக்கி கணினியில் நிறுவிக் கொள்ளலாம்.  அத்துடன் ஆக்டிவேசன் கோடு எதுவும் தேவையில்லை.



WonderShare PDF Editor Beta மென்பொருள் குறித்த தகவல்கள் மற்றும் போட்டி விதிமுறைகள் குறித்த  சுட்டி

இவர்களின் தளத்தில் பீட்ட வெர்சன் குறித்த உங்கள் அனுபவங்களை அல்லது உங்கள் கருத்துக்களை மூன்று முறை அல்லது அதற்கு மேல் Feedback கொடுத்தால்  நீங்கள் இந்த Wondershare PDF Editor வெளிவரும்போது உங்களுக்கான பிடிஎப் எடிட்டரினை பரிசாக வெல்ல வாய்ப்பு உள்ளது.   சுட்டி  இங்கு சென்று உங்கள் கருத்துக்களை பகிர்ந்து கொள்ளுங்கள்.


Wondershare PDF Editor மென்பொருள் தரவிறக்க  சுட்டி

இந்த வாய்ப்பு ஏப்ரல் ஐந்தாம் தேதி முதல் முப்பதாம் தேதி வரை கலந்து கொள்ளும் வாசகர்களுக்கு மட்டும்.

அது மட்டுமல்லாமல்  பேஸ்புக்கில் வழியாக இவர்களின் பதிவை பகிர்ந்தால் 30$ மதிப்புள்ள PDF To Powerpoint மென்பொருள் வெல்ல வாய்ப்புள்ளது.

போட்டியில் கலந்து கொள்ளும் நபர்களுக்கு குலுக்கல் முறையில் வாரம் ஒரு முறை PDF Converter Pro 79.95$ மதிப்புள்ள PDF Converter Pro.

சரி இந்த மென்பொருள் மூலம் என்ன செய்ய முடியும்.

எந்த ஒரு வகை பிடிஎப் கோப்புகளையும் எடிட் செய்ய முடியும்.

எந்த ஒரு பிடிஎப் கோப்பினையும் வேர்ட் அல்லது .TXT கோப்பாக சேமிக்க முடியும்.

1000 பக்கம் உள்ள பிடிஎப் கோப்பினை பிரிக்க அல்லது சேர்க்க முடியும்.


மீண்டும் ஒரு புதிய பதிவுடன் உங்களை சந்திக்கிறேன்

நன்றி மீண்டும் வருகிறேன்

» Read More...

ஐபிஎல் 20 20 ஆன்ட்ராய்ட் ஐபோன் ஐபேடு விண்டோஸ் போன் மென்பொருட்கள் இலவசமாக

நண்பர்களே ஐபிஎல் 5 கிரிக்கெட் இன்று கோலாகலமாக இன்று தொடங்குகிறது.  முறைப்படி நாளைதான் கிரிக்கெட் மேட்சுகள் தொடங்குகின்றன.  இன்று தொடக்க விழா மட்டுமே சென்னையில் நடத்தப்படுகிறது.  இவ்வாறு இருக்கையில் அனைத்து போட்டிகளையும் நம்மால் தொடர்ந்து டிவியில் பார்க்க முடியாது.  ஆனால் மொபைல் மூலம் ஸ்கோர் விவரங்கள் தெரிந்து கொள்ள முடியும்.  இப்பொது உள்ள ஆன்ட்ராய்ட் மொபைல் போன்களுக்கான ஐபிஎல் 5 கிரிக்கெட் ஸ்கோர் IPL 5 அப்ளிகேசன்கள் சிலவற்றை இங்கே பதிவிட போகிறேன்.  அப்ளிகேசன் வேண்டும் என்பவர்கள் தரவிறக்கி உபயோகித்துக் கொள்ளவும். 

விண்டோஸ் குறித்த நகைச்சுவை புகைப்படங்கள் உங்கள் பார்வைக்கு சுட்டி

இந்த பதிவின் மூலம் என் பதிவு 450ஐ தொடுகிறது இது அனைத்திற்கும் உதவிய பதிவர்கள் திரட்டிகள் வாசகர்கள் அனைவருக்கும் நன்றியையும் தெரிவித்துக் கொள்கிறேன்.  அனைவரும் தொடர்ந்து ஊக்கத்தையும் உற்சாகத்தையும் தருமாறு கேட்டுக் கொள்கிறேன்.  அத்துடன் சில விம்பரங்களையும் சுட்டுமாறு கேட்டுக் கொள்கிறேன்.  

DLF IPL 2012

இந்த மென்பொருள் ஐபிஎல் நிறுவனத்தாரால் வெளியிடப்பட்ட மென்பொருளாகும்.  இந்த மென்பொருளில் கிரிக்கெட் மேட்சின் ஸ்கோர், முடிந்த விளையாட்டுகளின் முடிவுகள் Results, Match Schedule, கால அட்டவணை போன்றவை இருக்கிறது.

அது மட்டுமல்லாமல் ஒவ்வொரு அணியின் பற்றிய விரிவான குறிப்புகளுடன் அந்த அணியின் வீரர்களுடைய விபரங்களும் இடம் பெற்றுள்ளது.

முடிந்த விளையாட்டுகளின் புகைப்படங்கள் வீடியோக்கள் மற்றும் செய்திகளும் இந்த மென்பொருள் மூலம் அறிந்து கொள்ளலாம.

 DLF IPL 2012 ஆன்ட்ராய்ட் மென்பொருள் தரவிறக்க சுட்டி

IPL Live Streaming

இந்த ஆன்ட்ராய்ட் மென் பொருள் மூலம் கிரிக்கெட் மேட்சுகளை நேரடியாக காணலாம்.

(குறிப்பு ) உங்கள் மொபைல் போன்களில் அடோப் ப்ளாஷ் ப்ளெயர் ஆதரிக்க கூடியதாக இருக்க வேண்டும்.

IPL Live Streaming மென்பொருள் தரவிறக்க சுட்டி

IPL CALENDAR

இந்த மென்பொருள் மூலம் ஐபில் கால அட்டவணைகள் முழுவதும் தெரிந்து கொள்ள முடியும்.  அது மட்டுமல்லாமல் உங்களுக்கு பிடித்த அணி விளையாடும் அன்று உங்களுக்கு ஞாபகமூட்டுமாறும் Remainder Set செய்யலாம்.

IPL CALENDAR மென்பொருள் தரவிறக்க சுட்டி

IPL INDIATIMES

இந்த மென்பொருள் இந்தியாடைம்ஸ் நிறுவனத்தால் வெளியிடப்பட்ட மென்பொருளாகும்.  இது ஆன்ட்ராய்ட் மென்பொருள் அல்ல விண்டோஸ் மொபைலுக்கான மென்பொருள்.  விண்டோஸ் மொபைல் உபயோகிக்கும் அனைவருக்கும் இது மிகவும் உபயோகமாக இருக்கும். 

விண்டோஸ் மொபைலுக்கான ஐபில் மென்பொருள் தரவிறக்க் சுட்டி


IPL 2012

இந்த மென்பொருளும் விண்டோஸ் மொபைலுக்கான மென்பொருளாகும்.
இந்த மென்பொருள் மூலம் ஐபில் கால அட்டவணைகள் முழுவதும் தெரிந்து கொள்ள முடியும்.  அது மட்டுமல்லாமல் உங்களுக்கு பிடித்த அணி விளையாடும் அன்று உங்களுக்கு ஞாபகமூட்டுமாறும் Remainder Set செய்யலாம்.

ஐபிஎல் 2012 மென்பொருள் தரவிறக்க சுட்டி

ஐபோன்  மென்பொருள் கீழே கொடுத்துள்ளேன்

IPLT20
 

இந்த மென்பொருள் ஐபிஎல் நிறுவனத்தால் நேரடியாக வெளியிடப்பட்ட மென்பொருளாகும். 

இந்த மென்பொருள் ஐபிஎல் நிறுவனத்தாரால் வெளியிடப்பட்ட மென்பொருளாகும்.  இந்த மென்பொருளில் கிரிக்கெட் மேட்சின் ஸ்கோர், முடிந்த விளையாட்டுகளின் முடிவுகள் Results, Match Schedule, கால அட்டவணை போன்றவை இருக்கிறது.

அது மட்டுமல்லாமல் ஒவ்வொரு அணியின் பற்றிய விரிவான குறிப்புகளுடன் அந்த அணியின் வீரர்களுடைய விபரங்களும் இடம் பெற்றுள்ளது.

முடிந்த விளையாட்டுகளின் புகைப்படங்கள் வீடியோக்கள் மற்றும் செய்திகளும் இந்த மென்பொருள் மூலம் அறிந்து கொள்ளலாம.

ஐபோன் மற்றும் ஐபேடிற்கான IPLT20 மென்பொருளை தரவிறக்க சுட்டி


ஐபேடுக்கான  மென்பொருள்


ஐபேடுக்கான மென்பொருள் IPL Mania for IPAD






நன்றி மீண்டும் வருகிறேன்

» Read More...

F-Droid Vs Google Play

நண்பர்களே இன்றைய உலகில் போனில் அதிக அளவு விற்பனையாவது ஸ்மார்ட் போன்கள் அதுவும் ஆன்ட்ராய்டு வகை போன்கள் மிக அதிகமாக விறபனையாவதை அனைவரும் அறிந்ததே. ஆன்ட்ராய்ட் ஒரு இலவச இயங்குதளமாகும்.  இந்த வகை இயங்குதள போன்களுக்கு என்று வைத்திருந்த கூகிளின் ஆன்ட்ராய்ட் மார்கெட்டினை கூகிள் ப்ளே என்று பெயர் மாற்றியது சில நாட்களுக்கு முன்புதான் என்பதையும் அறிவீர்கள்.  சரி இந்த வகை ஆன்ட்ராய்ட் இயங்குதள போன்களுக்கு கூகிள் ப்ளே மட்டும்தான் உள்ளதான் என்று பார்த்தால் கூகிளை போன்ற சில தளங்கள் இருக்கதான் செய்கின்றன இதில் ஒரு தளத்தின் எப் ட்ராய்டு  F-Droid.     F-Droid
இந்த தளத்தில் என்ன ஒரு சிறப்பு என்று பார்த்தால் இதில் உள்ள அனைத்து அப்ளிகேசன்களும் இலவசமானவை மட்டுமே.  அதுவும் அனைத்தும் Full Version ஆக கிடைக்கிறது. 


அது மட்டுமல்லாமல் F-Droid நிறுவனத்தின் ஆன்ட்ராய்ட் பிரவுஸர் வழியாக F-Droid இணையத்தளத்தில் ஆன்ட்ராய்ட் அப்ளிகேசன்களை தேடி உங்கள் மொபைலுக்கு தரவிறக்க  முடியும்.
Android Vs F-Droid
இந்த தளத்தின் மூலம் வெளியிடப்படும் அப்ளிகேசன்கள் உங்கள் ஆன்ட்ராய்ட் மொபைலுக்குள் நிறுவி விட்டாலே ஒவ்வொரு முறையும் தானாக அப்டேட் செய்து கொள்ளும்.

 இந்த தளத்திற்கு செல்ல சுட்டி


நன்றி மீண்டும் வருகிறேன்

» Read More...

பல் துலக்கும் பேஸ்ட் அனைவருக்கும் இலவசமாக



நண்பர்களே சில நாட்களுக்கு முன் இந்தியர்கள் அனைவருக்கும் இலவசமாக வீட்டு உபயோக பொருட்கள் என்று ஒரு பதிவிட்டிருந்தேன் அது நிறைய நண்பர்களுக்கு மிகவும் உபயோகமாக இருந்திருக்கும்.

அது போல இதோ ஒரு புதிய இலவசமாக பல் துலக்கும் பேஸ்ட் இலவசமாக உங்களுக்காக வழங்குகிறார்கள்.  கோல்கேட் சென்ஸிடிவ் ப்ரோ ரீலிஃப் Colgate Sensitive Pro-Relief  80கிராம் பேக் இலவசமாக வழங்குகிறார்கள்.
கோல்கேட் பேஸ்ட்
நீங்கள் செய்ய வேண்டியது உங்கள் பெயர், மின்னஞ்சல் முகவரி,  வீட்டு முகவரி போன்றவை மட்டுமே அவ்வளவுதான் உங்கள் வீடு தேடி வரும் உங்களுக்கான Colgate Sensitive Pro Relief 80கிராம் பேக்.  இந்த டூத் பேஸ்ட் குறித்த வீடியோ கீழே


வீடியோ தெரியவில்லை என்றால் இங்கு கிளிக் செய்யவும் சுட்டி

இது இரண்டாவது முறையாக அனைவருக்கும் இலவசமாக வழங்கபடுகிறது.  இதற்கு முன் ஒரு லட்சம் பேருக்கு இலவசமாக வழங்கப்பட்டுள்ளது. 

இலவசமாக பேஸ்ட் பெற சுட்டி

இந்த வலைமனை தொடர்ந்து எழுதுவதும் எழுதவைப்பதும் உங்களின் தொடர்ந்து ஆதரவினால் மட்டுமே. உங்கள் ஆதரவும் பின்னூட்டங்கள்  தொடர்ந்து எங்களுக்கு வேண்டும். 


விரைவில் ஒரு புதிய பதிவுடன் உங்களை சந்திக்கிறேன்.





நன்றி மீண்டும் வருகிறேன்

» Read More...

BSNL பிராண்ட்பேண்ட் இணைய வேகத்தை கண்டறிய

நண்பர்களே இந்தியாவில் இணைய சேவை கொடுப்பதில் முண்ணணி நிறுவனமாக BSNL இருக்கிறது. இதன் இணைய சேவையை பயன்படுத்தும் பலருக்கு இதன் வேகம் நாம் தேர்வு செய்த திட்டத்தின் படி வருகிறதா என்பது தெரியாது. இணைய வேகம் என்பது சர்வரின் செயல்திறன், இணைந்துள்ள கணிணிகள், நமது கணிணியின் ஹார்ட்வேர் போன்றவற்றைப் பொறுத்து சில நேரம் கூடலாம் அல்லது குறையலாம். இணைய வேகத்தை அளவிட Speedtest.net போன்ற இணையதள சேவைகளைப் பயன்படுத்திப் பார்ப்போம்.


ஆனால் இணைய வேகத்தை அளவிட BSNL சர்வர்களை வைத்தே சரிபார்த்தால் வேறு வழிகளில் அளவிடுவதை விட துல்லியமாக இருக்குமல்லவா? இதற்கு தான் BSNL தற்போது Bandwidth Meter என்ற இணைய சேவையை கொண்டு வந்துள்ளது. இதில் நீங்கள் இணைய வேகத்தை அளவிட உங்கள் இணையக் கணக்கு பற்றிய விவரங்களை ஏதும் கொடுக்கத் தேவையில்லை. கீழிருக்கும் மூன்று சுட்டிகளில் கிளிக் செய்தாலே உங்கள் இணைய வேகம் அளவிடப்படும்.



இதில் உங்கள் ஐபி எண் (IP number) ,  கொடுக்கப்படும் Bandwidth அளவு, ஒரு விநாடியில் கிடைக்கும் டவுன்லோடு வேகம் ஆகியவை பட்டியலிடப்படும். இதன் மூலம் உங்களின் சரியான இணைய வேகத்தை அறிந்து கொள்ளலாம். இந்தியாவில் எங்கிருப்பினும் BSNL இணையம் வைத்திருப்பவர்கள் இந்த சேவையைப் பயன்படுத்தலாம்.



இன்றைய பதிவினை எழுதியிருப்பது  செல்வி. பொன்மலர் அவர்கள்  நம் தளத்தில் அவ்வப்போது புதிய பதிவுகள் மற்றும் புதிய எழுத்தாளர்கள் தொடர்ந்து எழுதுவார்கள் என்பதை தெரிவித்துக் கொள்கிறோம்.  இவரை பற்றியும் இவர் வலைபதிவை பற்றியும் தெரியாதவர்கள் யாரும் அறியாமல் இருக்க முடியாது.  இவர் எழுதிய பல பதிவுகள் பலருக்கு மிகவும் உபயோகமாக இருக்குமாறுதான் இவர் எழுதுவார்.  இவர் வலைப்பூவிற்கு செல்ல சுட்டி


இந்த வலைமனை தொடர்ந்து எழுதுவதும் எழுதவைப்பதும் உங்களின் தொடர்ந்து ஆதரவினால் மட்டுமே. உங்கள் ஆதரவும் பின்னூட்டங்கள்  தொடர்ந்து எங்களுக்கு வேண்டும். 


விரைவில் ஒரு புதிய பதிவுடன் உங்களை சந்திக்கிறேன்.

நன்றி மீண்டும் வருகிறேன்

» Read More...

திரையை அம்புக்குறி இல்லாமல் சுலபமாக படம்பிடிக்க


நண்பர்களே உங்கள் கணினி திரையினை படம் பிடிக்க  எடுக்க பல்வேறு வகையான மென்பொருட்களை பயன்படுத்துவீர்கள்.  அனைத்து மென்பொருட்களுமே ஒரு வகையில் சிறந்ததாக இருக்கும்.  ஆனால் அதில் உள்ள அனைத்திலும் ஒரு குறை கணினி திரையினை படம்பிடித்தால் மவுஸின் அம்பு குறி  இருக்கும்.  இதை தவிர்க்க என்ன செய்வீர்கள் சிலர் மவுஸினை திரையின் ஒரு ஓரத்திற்கு கொண்டு போய் வைத்துவிட்டு திரையினை படம் பிடிப்பார்கள்.  இப்படி செய்யாமல் இந்த மென்பொருளை பயனபடுத்தினால்  உங்களுக்கு வேண்டும் என்றால் மவுஸின் அம்புக்குறியோடும் இல்லாவிடில் அம்புக்குறியை வேறு கலருக்கோ அல்லது அம்புக் குறி இல்லாமலும் கணினி திரையினை படம் பிடிக்க முடியும்.  இந்த மென்பொருளின் பெயர் AeroShot
Aero Shot 1.3
நீங்கள் ஏதாவது ஒரு கோப்பினை படம்பிடிக்க வேண்டும் என்றால் அதை திறந்து வைத்து கொண்டு எது வேண்டுமோ அதை நேரடியாக படம்பிடித்து கொள்ளலாம்.


இந்த மென்பொருளின் சிறப்புகள்



நீங்கள் படம்பிடிக்கும் கணினி திரையினை நேரடியாக உங்கள் யுஎஸ்பி ட்ரைவினில் சேமிக்க முடியும்.

எந்த வகை ரெசொல்யூசனில் வேண்டும் என்பதை நீங்களே தீர்மானிக்க முடியும்.

நீங்கள் வழக்கம் போல இந்த மென்பொருளை நிறுவி விட்டு உங்கள் விசைப்பலகையில் ( விசைப்பலகை = Key Board)  விண்டோஸ் கீ + பிரிண்ட் ஸ்கீரின் பட்டன்களை கொடுத்தால் இந்த மென்பொருள் இயங்கி நீங்கள் எங்கு சேமிக்க விரும்புகிறீர்களோ அங்கு சேமித்து விடும்.

இது ஒரு திறந்தநிலை மூல பொருள் என்பதால் காசு கொடுத்து வாங்க வேண்டும் என்ற கவலையில்லை

இந்த மென்பொருள் விண்டோஸ் எக்ஸ்பி, விஸ்டா, மற்றும் 7 ஆகியவற்றில் இயங்கும்.

இந்த மென்பொருளின் அளவு வெறும் 256கேபி மட்டுமே.

இது ஒரு போர்டபிள் மென்பொருளாகும்.  தரவிறக்கி நேரடியாக உபயோகபடுத்த வேண்டியதுதான்

AeroShot மென்பொருள் தரவிறக்க சுட்டி



நன்றி மீண்டும் வருகிறேன்

» Read More...

கூகிள் வெப் ஹிஸ்டரி நீக்க கடைசி நாள்

நண்பர்களே கூகிள் வெப் ஹிஸ்டரி குறித்த நண்பரின் பதிவு இன்று வெளியாகியுள்ளது.    நண்பர்க் கிரி அவர்கள் எழுதிவரும் தளத்தில் விரிவாக எழுதியுள்ளார்  நம் தளத்தின் நண்பர்களுக்கு தெரிந்து கொள்ள  வேண்டும் என்ற நோக்கிலே இங்கே அவருடைய பதிவினை இங்கே மறுபதிப்பிக்கிறேன்.


அனைவருக்கும் ஒரு விண்ணப்பம் நம் தளத்தில் www.gouthaminfotech.com என்று டைப் செய்து வருமாறு கேட்டுக் கொள்கிறேன்.  http://gouthamifnotech.com என்று டைப் செய்து வந்தால் photos.gouthaminfotech.com வருமாறு அமைக்கப்பட்டுள்ளது.  அது இன்னும் சில நாட்களில் சரி செய்யப்பட்டு விடும்.  மன்னிக்கவும்



மார்ச் 1 முதல் கூகுள் தன்னுடைய விதிமுறைகளில் (Policy) மாற்றங்களைக் கொண்டு வரப்போகிறது என்பதை கூகுள் கணக்கு பயன்படுத்துபவர்கள் பலர் அறிந்து இருப்பீர்கள் பலர் அறிந்து இருக்க மாட்டீர்கள் ஆனால் கூகுள் உங்களிடம் இதை மாற்றப்போவதாக அறிவித்து உங்களுக்கு தகவலை அறிவித்து இருக்கும் நீங்களும் வழக்கம் போல ஓகே கொடுத்து போய் இருப்பீர்கள் icon smile கூகுள் வெப் ஹிஸ்டரியை (Web History) நீக்க நாளையே கடைசி நாள் நாம என்னைக்கு இதை எல்லாம் படித்து இருக்கிறோம். கணக்கு துவங்கும் போது ஒரு பெரிய Agreement வரும் 99 % மக்கள் அதை படிக்காமலே Accept செய்து விடுவோம். இது போல ஒன்றில் தான் ஒரு சிலர் நமக்கு வேட்டு வைத்து விடுகிறார்கள்.


நீங்கள் கூகுள் சேவை பயன்படுத்துபவராக இருந்தால் சமீபத்தில் நீங்கள் நிச்சயம் இதை கவனிக்காமல் இருந்து இருக்க முடியாது. தன்னுடைய விதிமுறைகளில் மாற்றங்கள் செய்யப்போவதாக அறிவித்து இருந்தது அதாவது தன்னுடைய சேவைகள் அனைத்திற்கும் ஒரே மாதிரியான விதிமுறைகளை கொண்டு வரப்போவதாகவும் இதை மார்ச் 1 முதல் செயல்படுத்தப்போவதாகவும் கூகுள் அறிவித்து இருந்தது.
இதில் ஒரு முக்கியமான விஷயம் Google Web History ஆகும். இது தான் தற்போது இணையம் முழுவதும் பரபரப்பாக பேசப்பட்டுக்கொண்டு இருக்கிறது.

Google Web History என்றால் என்ன?

நீங்கள் எந்த உலவியை (Browser) பயன்படுத்தினாலும் நீங்கள் எந்தெந்த தளங்கள் சென்றீர்கள் என்பது பற்றிய தகவல்கள் உலவியின் History யில் சேமிக்கப்பட்டு இருக்கும் நீங்கள் வைத்து இருக்கும் settings ஐ பொறுத்து. யாராவது விஷயம் தெரிந்தவர் என்றால் இதை நோண்டினால் நீங்கள் எந்தெந்த தளம் சென்றீர்கள் இணையத்தில் என்னென்ன பார்த்தீர்கள் என்று எளிதாக கண்டு பிடித்து விடுவார்கள்.

இதையே கூகுள் எப்படி செய்கிறது என்றால்…கூகுள் சேவைகளில் நாம் என்னென்ன தளம் போகிறோம் எதை தேடுகிறோம் நம்முடைய விருப்பங்கள் என்னென்ன என்பது அனைத்தையும் சேமித்துக்கொண்டே இருக்கும். எடுத்துக்காட்டாக நீங்கள் கூகுள் தளத்தில் உங்கள் பயனர் கணக்கு கொடுத்து உள்ளே சென்று இருக்கும் போது கூகுள் தேடுதலில் என்னென்ன செய்கிறீர்களோ அனைத்தும் சேமிக்கப்பட்டுக்கொண்டு இருக்கும். நீங்கள் How to remove the google web history என்று தேடுகிறீர்கள் என்று வைத்துக்கொள்வோம் பின் அந்தப் பக்கத்தை மூடி விட்டு புதிய பக்கத்தில் திரும்ப இதே வரியை தட்டச்சு செய்தீர்கள் என்றால் நீங்கள் ஏற்கனவே இதை தட்டச்சு செய்து இருந்ததால் அதுவே ஏற்கனவே நீங்கள் தட்டச்சு செய்த பழைய வரியைக் காட்டும். இது போல பல சேவைகளில் நீங்கள் செய்தது எல்லாம் சேமிக்கப்பட்டுக் கொண்டு இருக்கும்.
இதில் என்ன பிரச்சனை என்றால் நீங்கள் ஏதாவது விவகாரமா தேடி இருந்தால் அதுவும் இதில் இருக்கும். மொத்தத்தில் உங்கள் ஜாதகமே இதைப் பார்த்தால் தெரியும். நாளை உங்கள் கணக்கை யாராவது ஹேக் செய்து ஆட்டையப்போட்டு இதில் போய்ப் பார்த்தால் உங்க வண்டவாளம் எல்லாம் தண்டவாளம் ஏறி விடும். எதை எதை தேடினீர்கள் என்று புட்டு புட்டு வைத்து விடும். கூகுளும் உங்கள் தேடுதலை அடிப்படையாக வைத்து செய்திகளை விளம்பரங்களை அனுப்பிக்கொண்டு இருக்கும்.

இதை எல்லாம் நீக்க நாளையே (29 Feb 2012) கடைசி நாள் அதனால் மறக்காமல் ஒத்திப்போடாமல் உடனே செய்து விடுங்கள். மார்ச் 1 க்கு பிறகு முடியாது. கூகுள் உங்கள் தகவல்களை சேமித்து வைத்து விடும்.

இதை எப்படி நீக்குவது?

https://www.google.com/history/ தளம் செல்லுங்கள் உங்கள் பயனர் கணக்கு கடவுச்சொல்லை (Password) கொடுத்தவுடன் பின்வரும் படம் போல வரும் இதில் நீங்கள் “Remove all web history” என்பதை க்ளிக் செய்தால் அனைத்து History யும் நீக்கி விடும் அதோடு இனி இது போல சேமிக்காது Pause செய்து விடும் உங்களுக்கு தேவை என்றால் On செய்து கொள்ளலாம் ஆனால் On (Resume) செய்ய வேண்டாம். கூகுள் தொடர்ந்து உங்கள் தகவல்களை எடுக்க முடியும் ஆனால் அனானிமஸ் ஆகத்தான் எடுக்க முடியும் உங்களையுடைய தகவல்கள் என்று கூற முடியாது.

இதை செய்ய 2 நிமிடம் கூட ஆகாது வழக்கம் போல சோம்பேறித்தனப்பட்டு மறந்து விடாதீர்கள். நீங்கள் பல்வேறு கூகுள் கணக்குகளை வைத்து இருந்தால் அனைத்திற்கும் இது போல தனித்தனியாக செய்ய வேண்டும்.
நாளை தான் கூறலாம் என்று நினைத்தேன் இது பற்றி தெரியாதவர்கள் கடைசி நாளில் கவனிக்காமல் இருந்து விட வாய்ப்புண்டு என்பதால் இன்றே கூறி விட்டேன். என்னுடைய தளத்தை படிப்பவர்களுக்கு இது கூட செய்யவில்லை என்றால் எப்படி icon smile கூகுள் வெப் ஹிஸ்டரியை (Web History) நீக்க நாளையே கடைசி நாள் உங்கள் நண்பர்களிடமும் இந்த செய்தி பற்றி தெரிவித்து அவர்களையும் எச்சரிக்கை செய்து விடவும்.

ஆங்கிலத்தளங்கள் இது பற்றி அதிகம் எழுதிக்கொண்டு இருக்கின்றன தமிழில் ஏன் முக்கியத்தளங்கள் இது பற்றி அமைதி காக்கின்றன என்று புரியவில்லை.


இந்த பதிவு மற்றும் படங்கள் அவரின் சம்மதத்துடன் இங்கே வெளியிடப்படுகிறது.  நன்றி கிரி கிரி Blog



நன்றி மீண்டும் வருகிறேன்

» Read More...

3டி தொழில்நுட்ப மென்பொருட்கள் அனைவருக்கும் சட்டரீதியான இலவசம்

நண்பர்களே அனைவருக்கும் முதலில் வணக்கம் இன்று இந்த பதிவு எழுதிக் கொண்டிருக்கும் பொழுது இரண்டு விஷயங்கள் சினிமா உலகில் வலம் வந்து கொண்டிருந்தது ஒன்று வெளியாக போகும் அம்புலி 3டி படம் அடுத்து வேகமான படப்படிப்பினை தொடங்கியிருக்கும் கோச்சடையான் 3டி இரண்டும் 3டி படங்கள் என்பதே அதன் சிறப்பு.  இது போன்ற 3டி படங்கள் உருவாக்குபவர்களுக்கு என சில பிரத்யேக மென்பொருட்கள் உள்ளன.  இது போன்ற மென்பொருட்களை உருவாக்கும் நிறுவனம்  இப்பொழுது சில தொழில்நுட்ப மென்பொருட்களை இலவசமாக வழங்குகிறது.  இதன் மதிப்பு சர்வேதச விலையான 829$ ஆகும்.  இந்திய மதிப்பு ஒரு டாலருக்கு ஐம்பது ரூபாய என்று வைத்து கொண்டாலும் 829 x 50 = 41450 விலை மதிப்பு மிக்க மூன்று மென்பொருட்களை இலவசமாக வழங்குகிறது DAZ Studio நிறுவனம்.

Daz Studio Pro ( விலை $429.95)


உங்களுக்கு பிடித்த உருவங்கள் அவதார்கள் போன்றவைகளை சுலபமாக உருவாக்க முடியும். இந்த மென்பொருள் மூலம் 3டி யில் உருவாக்கிய உருவங்களுக்கு லைட் எபெக்ட்ஸ் மற்றும் உடைகள் போன்ற அனைத்து விதமான வேலைகளும் செய்ய முடியும். நீங்களாகவே ஒரு CG படங்களை உருவாக்க முடியும்.  இதுகுறித்த மேலும் தகவல்களுக்கு சுட்டி

Bryce 7 Pro (worth $249.95)



இந்த மென்பொருள் மூலம் நீங்கள் உருவாக்கிய உருவங்களை கடல், வானம், மேகம் மற்றும் தரை போன்றவற்றில் உலாவ விட்டு லேன்ஸ்கேப்பில் படங்களை உருவாக்க முடியும். 

இது குறித்த மேலும் அறிய சுட்டி

Hexagon 2.5 (worth $149.95)


 இதிலும் நிறைய சொல்ல தக்க தகவல்கள் அதிகம் உள்ளதால் நேரடியாக தளத்திற்கு சென்று அறிந்து கொள்வதே நல்லது.  சுட்டி


சரி இந்த மூன்று மென்பொருட்களையும் இலவசமாக தரவிறக்குவது எப்படி?

இந்த சுட்டியை கிளிக் செய்து முதலில் இந்த வலைத்தளத்தில் நுழைந்து கொள்ளுங்கள்.

சுட்டி   பிறகு



புதிய பயனாளர் கணக்கினை இங்கே சென்று தொடங்குங்கள் சுட்டி


கீழுள்ள படத்தில் உள்ள பெட்டிகளில் உங்கள் தகவல்களை நிரப்புங்கள்




உங்கள் மின்னஞ்சல் முகவரியின் வழியாக ஆக்டிவேட் செய்து கொள்ளுங்கள்

பிறகு இந்த சுட்டியினை கிளிக் செய்து கொள்ளுங்கள்  சுட்டி கீழுள்ள படத்தில் கண்ட பக்கம் திறக்க படும்.  அதில் உள்ள  மூன்று பொருட்களையும் add to cart கிளிக் செய்யுங்கள்.


பிறகு கீழுள்ள படத்தில் உள்ளபடி ஒரு பாப் அப் தோன்றும் அதில் Checkout என்பதை கிளிக் செய்யவும்.

பிறகு கீழுள்ள பக்கத்தில் இருப்பது போல நீங்கள் ஒரு பைசா கூட செலவு செய்ய தேவையில்லை தோன்றும் பிறகு Place Order  என்ற பச்சை நிற பட்டனை அழுத்தினால் போதும்




 

கீழுள்ள பக்கம் வந்துவிடும்.  அதில் Downloads are available in your Account Profile என்பதை கிளிக் செய்தால் உங்களுக்கான் மென்பொருள் தரவிறக்க லிங்குகள் தோன்றும். 

 
 நீங்கள் சரியான மின்னஞ்சல் முகவரி குறிப்பிட்டிருந்தால் உங்கள் மின்னஞ்சல் முகவரிக்கு மூன்று மென்பொருட்களின் Serail எண்கள் அனுப்பியிருப்பார்கள்.  இந்த மென்பொருட்கள் விண்டோஸ் மேக் கணினிகளில் வேலை செய்யும்.

இது ஒரு குறுகிய கால சலுகை என்பதால் எப்பொழுது வேண்டுமானலும் மென்பொருள் இலவசமாக தரப்படுவது நிறுத்தலாம்.  அல்லது நீட்டிக்கபடலாம் விரைவில் தரவிறக்கிக் கொள்ளவும்.

விரைவில் வேறு ஒரு புதிய பதிவுடன் உங்களை சந்திக்கிறேன். நம் பதிவை படிக்கும் நண்பர்கள் தங்கள் நண்பர்கள் மற்றும் படிக்கும் மாணவர்கள், உறவினர்களிடையே பகிரவும்.  முடிந்த்வரை அனைத்து திரட்டிகளிலும் ஒட்டு போடுவதால் இந்த பதிவுகள் அனைவரையும் சென்றடைய உதவும்.  விம்பரங்களையும் கிளிக் செய்து படிக்கவும். 


நன்றி மீண்டும் வருகிறேன்

» Read More...

எழுதியதில் அனைவருக்கும் பிடித்த பத்து பதிவுகள்

Google Translator

பதிவுகளை மின்னஞ்சலில் பெற

பதிவுகளை மின்னஞ்சலில் பெற:


உங்கள் கேள்விகளை என்னிடம் கேட்க

தமிழ் பதிவர்களின் பேட்டி

Extension Factory Builder

Add to Google Reader or Homepage

என்னைப் பற்றி

My photo
Chennai, Tamilnadu, India

இதுவரை பதிவு செய்தவை