லிபேர் ஆபிஸ் மென்பொருள் திறந்த நிலை மென்பொருள் குறித்த கட்டுரை

நண்பர்களே நம் அனைவரும் விண்டோஸில் வேர்டு, எக்ஸல், பவர் பாய்ண்ட் போன்ற கோப்புகளை திறக்க மற்றும் எடிட் செய்ய வேண்டும் என்றால் நம்மிடம் மைக்ரோசாப்ட் ஆபிஸ் வேண்டும்.   மைக்ரோசாப்ட் ஆபிஸ் எல்லாருமே உபயோகிக்கிறார்கள்.  ஆனால் காசு கொடுத்து வாங்கி அல்ல இணையத்தில் இருந்து திருடியும், இன்னொருவர் வாங்கிய உரிமையை இவர்களும் உபயோகபடுத்திக் கொள்கிறார்கள்.  இவ்வாறு இணையத்தில் இருந்து ட்ரையல் வெர்சன் மற்றும் திருட்டு மென்பொருளை நிறுவுவதால் வைரஸ் மற்றும் நச்சு மென்பொருட்கள் வர வாய்ப்பு உண்டு.  இது மாதிரி திருட்டு மென்பொருளை உபயோகிப்பதை விட திறநத நிலை மென்பொருட்கள் மிக அருமையாக வடிவமைக்கப்பட்டு வெளியிடப்பட்டு வருகிறது. 


அதன் வரிசையில் இன்று நாம் பார்க்க போகும் மென்பொருள்  லிபர் ஆபிஸ் இந்த மென்பொருள் ஒரு திறந்த நிலை கட்டற்ற மென்பொருள்.  இந்த மென்பொருள் இதுவரை பீட்டா என்னும் சோதனை பதிப்பாகவே இருந்து வந்தது.  இப்பொழுது இந்த மென்பொருளின்  சோதனை பதிப்பு முடிந்து Stable என்னும் பதிப்பு வெளியிடப்பட்டுள்ளது.  இந்த Stable பதிப்பு வெர்சன் Libre Office 3.3.0 என வெளியிடப்பட்டுள்ளது.  இந்த மென்பொருளில் வேர்ட் ப்ரோஸசர், ஸ்ப்ரெட்சீட்,  ப்ரசண்டேசன் மேனேஜர், சார்ட், டைக்ராம் வரையவும் முடியும். ODBC என்னும் டேட்டாபேஸ்களை இணைக்கவும் முடியும் என்பது சிறப்பம்சம்

இந்த மென்பொருள் போர்ட்டபிள் மென்பொருளாகவும் கிடைப்பது என்பது இன்னும் ஒரு சிறப்பம்சம்.  சுட்டி

இந்த மென்பொருள் வழியாக பிடிஎப் கோப்புகளையும் திறக்க முடியும். திறக்க மட்டுமல்ல பிடிஎப் கோப்புகளில் எதை மாற்ற விரும்புகிறீர்களோ அதை எடிட் செய்து மாற்ற முடியும்  என்பது இதன் சிறப்பு.


இந்த மென்பொருளின் ஸ்ப்ரெட் ஷீட்டில் ஒரு மில்லியன் (Row) வரிசை வரை உண்டு.  ஆனால் மைக்ரோசாப்ட் எக்ஸலில் 65000 மட்டுமே உண்டு.


லோட்டஸ் வேர்ட் போன்ற கோப்புகளையும் இந்த மென்பொருளில் சுலபமாக கையாளலாம்.

இந்த மென்பொருள் ஒரு திறந்த நிலை கோப்பு என்பதால் நீங்கள் ஒரு முறை தரவிறக்கம் செய்து எத்தனை கணினிகளில் வேண்டுமானலும் பயன்படுத்தலாம்.  அதே போல் எத்தனை காப்பி வேண்டுமானலும் எடுத்து உங்கள் நண்பர்கள் உறவினர்களுக்கும் பயன்படுத்த தரலாம்.  நீங்கள் ஒரு மென்பொருள் வல்லுநராக இருந்தால் உங்கள் தேவைக்கு ஏற்ற மாதிரி நிறைய மாற்றங்கள் செய்து கொள்ளலாம். யாரும் உங்களை கேள்வி கேட்க மாட்டார்கள்.

இந்த மென்பொருள் முப்பது வகை மொழிகளில் கிடைக்கிறது.  இதில் நம் தாய்மொழி தமிழும் அடக்கம் என்பதில் நாம் பெருமைப்படலாம். 

இந்த மென்பொருளை நேரடியாக தரவிறக்காலாம்.   அல்லது டொரண்ட் வழியாகவும்  தரவிறக்கலாம்.  அதற்கான வசதி அந்த வலைத்தளத்திலேயே உண்டு.

லிபேர் ஆபிஸ் மென்பொருள் தரவிறக்க சுட்டி

லிபேர் ஆபிஸ் போர்ட்டபிள் தரவிறக்க சுட்டி

டொரண்டாக தரவிறக்க தரவிறக்கம் அருகிள் ஒரு கட்டம் இருக்கும் Downloading using Bittorrent என்று அதை டிக் செய்தால் போதும்.

இந்த மென்பொருள் நிறுவ உங்களிடம் விண்டோஸ் 2000 (சர்வீஸ் பேக் 4), எக்ஸ்பி, விஸ்டா, விண்டோஸ் 7 இருந்தால் போதும்.

பென்டியம் 3 அல்லது அதற்கு மேல் இருந்தால் போதுமானது.  அத்துடன் குறைந்த பட்சம் 256 எம்பி நினைவகம் போதும் 512 எம்பி இருந்தால் இன்னும் கொஞ்சம் நன்றாக செயல்படும். ( இப்பொழுதுதான் குறைந்தது 1 ஜிபி நினைவகம் இல்லாத கணினி இல்லையே )



இஅசூஸ் பார்டிசன் மென்பொருள் போலவே இன்னொரு மென்பொருள் Aomei Partition Assistant Professional Edition  இந்த மென்பொருள் இன்று வரை (28-01-2011)இலவசமாக வழங்கப்படுகிறது.  தேவையானவர்கள் தரவிறக்கிக் கொள்ளவும்.  சுட்டி
 

நண்பர் வேலன் அவர்கள்  500 பதிவை எட்டியிருக்கிறார் அவர்களுக்கு வாழ்த்துக்கள்.  என்னுடைய அடுத்த பதிவு 400 வது பதிவு நேரம் இல்லாததால் குறைவாகவே எழுதுகிறேன்.   உங்கள் ஆதரவு மட்டுமே என்னை மேன்மேலும் உயர்த்துகிறது.



ஒரு அறிவிப்பு 

இந்த வலைத்தளம் மூலம் எனக்கு எதுவும் எந்த ஆதாயமும் கிடைக்காமல் இருந்த நேரத்தில் தமிழ் கம்ப்யூட்டர் நிறுவனம் மட்டுமே எனக்கு சிறு உதவி செய்து வருகிறது.  என் படைப்புகளை வெளியிட்டு அதன் மூலம் வரும் சிறு தொகையை எனக்கு அளித்து வருகின்றனர்.    நானும் கஷ்டப்பட்டு தான் இந்த பதிவுகளை எழுதுகிறேன்.  அதனால் நான் எழுதும் பதிவுகள் அனைத்தும் அனைவருக்கும் உபயோகமானவை என்றே நம்புகிறேன்.  இவ்வாறிருக்கையில் வரும் நண்பர்கள் என் வலைத்தளத்தில் உள்ள விளம்பரங்களை கிளிக் செய்து பார்ப்பதன் மூலம் என்னால் மாதம் ஒரு சிறு தொகையை ஈட்ட முடியும் என்று நம்புகிறேன்.  ஆகையால் பதிவுகளை படிக்கும் நண்பர்கள் விளம்பரங்களை கிளிக் செய்து வருவாயை ஈட்ட உதவி செய்ய வேண்டுகிறேன். உதவுங்கள் இன்னும் தரமான ஆக்கங்களை உருவாக்க உதவுங்கள்.  அத்துடன் இந்த பதிவுகள் தரமுள்ளதாக இருக்கும் பட்சத்தில் அனைவருக்கும் இதனை பற்றி தெரியபடுத்துங்கள்.  அனைத்து திரட்டிகளிலும் நீங்கள் போடும் ஒட்டுகளினால் இன்னும் உலகம் முழுக்க தமிழர்கள் அனைவருக்கும் போய்ச் சேர வாய்ப்பு கிடைக்கும்.

நன்றி மீண்டும் வருகிறேன்

» Read More...

சட்டரீதியான மென்பொருளுடன் படிப்பதற்கு புத்தகம் மற்றும் பசிக்கு உணவு

நண்பர்களே அனைவருக்கும் இனிய புத்தாண்டு வாழ்த்துக்கள் 2011

இன்று நாம் பார்க்க போகும் மென்பொருள் யூனிப்ளு சிஸ்டம் ட்விக்கர் UniBlue System Tweaker 2011.   இந்த மென்பொருள் செய்யும் வேலைகள் ஏராளம் என்றாலும் சிலவற்றை மட்டும் பார்ப்போம். 

இந்த மென்பொருள் மூலம் உங்களுடைய மவுஸினால் வலது கிளிக் செய்வீர்கள் அல்லவா அதில்  எளிமையாக மாற்றங்கள் செய்ய முடியும். 

இதன் வழியாக விண்டோஸில் இயங்கும் பயர்வால் விண்டோஸ் அப்டேட்களை நிறுத்தவும் செயல்படுத்தவும் முடியும்.

விண்டோஸ் முதலில் இயங்கும் பொழுது அதாவது Startup போது இயங்கும் மென்பொருட்களை நிறுத்த முடியும்.

இது போன்று நிறைய உண்டு இந்த மென்பொருளில் .

இந்த மென்பொருள் யூனிப்ளு நிறுவனத்தினரால் புது வருட கொண்டாட்டமாக ஜனவரி 15, 2011 வரை இலவசமாக வழங்கப்படுகிறது.  இதற்கு நீங்கள் செய்ய வேண்டியது ஒரு படிவத்தை நிரப்பினால் போதுமானது.


முதலில் இந்த தளத்திற்கு செல்லுங்கள் சுட்டி

பிறகு இந்த பக்கத்திற்கு செல்லும்.

இந்த பக்கத்தில் உங்கள் பெயர், ஊர் மற்றும் மின்னஞ்சல் முகவரி தந்து Complete Registration என்ற பட்டனை தட்டுங்கள்

ஒரு சில விநாடிகளில் உங்களுக்கான மென்பொருள் தரவிறக்க சுட்டி மற்றும் மென்பொருளுக்கான உரிமம் எண் Serial Key காட்டப்படும்.   அதன் மூலம் மென்பொருளை தரவிறக்கம் செய்து அந்த உரிமம் எண்ணை உபயோகப்படுத்தி முழு மென்பொருளின் பயனை அடையலாம்.  அத்துடன் உங்களுக்கு  இந்த மின்னஞ்சல் முகவரி ststores@mag.unibluenews.com வழியாக மின்னஞ்சல் வரும்.  அதில் மென்பொருளின் உரிமம் எண் மற்றும் மென்பொருள் தரவிறக்க சுட்டி அனைத்தும் இருக்கும். 

இந்த மென்பொருளை பெற சுட்டி

இந்த மென்பொருள் சலுகை  ஜனவரி 15, 2011 வரை மட்டுமே முந்துங்கள்



எனக்கு பிடித்த ஆன்டிவைரஸ் மென்பொருள்


காஸ்பர்ஸ்கை

இந்த ஆன்டி வைரஸ் மென்பொருளை என் வீடு மற்றும் அலுவலகத்திலும் உபயோகிக்கிறேன்.  அதுமட்டுமல்லாமல் அனைத்து நண்பர்களுக்கும் என்னுடைய வாடிக்கையாளர்களுக்கும் பரிந்துரைக்கும் மென்பொருள்.  இந்த மென்பொருள் மிக குறைவான விலையில் கிடைக்கிறது ஆன்டி வைரஸ் விலை 450/- ம் இண்டெர்நெட் செக்யூரிட்டி விலை 650/- க்கும் கிடைக்கிறது.  இந்த மென்பொருளை மூன்று கணினிகளில் உபயோகிக்கும்படியும் கிடைக்கிறது.  விலை 950 /- ஒருவர் 650 செலவழிப்பதற்கு பதில் அதில் பாதி விலை 350 /- செலவழித்தால் போதும்.



நண்பர்கள் உறவினர்கள் மூன்று பேர் சேர்ந்து வாங்கினால் காசு மிச்சமாகும்.  சென்னையில் அனைத்து  செல்போன் கடைகள் மற்றும் அண்ணா சாலை ரிச்சி தெருவிலும் கிடைக்கிறது.  எத்தனையோ ஆயிரம் செலவு செய்து கணினி வாங்கி அதன் வழியாக இணையத்தை அணுகினால் அதன் வழியாக கொக்கி போட்டு உள்ளே நுழையும் ஹேக்கர்கள் குழந்தைகளை ஆபாச தளங்கள் மற்றும் வக்கிரம் நிறைந்த தளங்கள், கொலை கொள்ளை போன்ற விளையாட்டு தளங்களில் இருந்து கணினியையும் உங்கள் வருங்கால சந்ததியையும் காப்பாற்ற வேண்டும் என்றால் முதலில் ஆன்டி வைரஸை நிறுவுங்கள்.

கேபிள் சங்கர் புத்தக வெளியீடு

நமது மூத்த பதிவரும் திரைப்பட இயக்குநரும் நண்பருமான கேபிள் சங்கரின் மீண்டும் ஒரு காதல் கதை புத்தகம் வெளியீடு இன்று மாலை ஆறு மணியளவில் நடைபெறுகிறது.  அனைவரும் கலந்து கொண்டு வாழ்த்துவோம்



நமது நண்பர் வால்பையன் நிறைய உதவிகள் செய்தவர் அலுவலகத்தில் பதிவை போட்டு விட்டு வீட்டிற்கு வந்து திரட்டிகளில் இணைத்து கொண்டிருந்தேன்.  பிறகு ஒரு முறை அவரிடம் உதவி என்று கேட்டு சென்றேன்.  அவர் உடனே சரி என்று கூறி விட்டார் அன்றைய பதிவு மட்டுமல்ல கடந்த வருடம் வரை என் பதிவை இணைப்பவர் நண்பர் வால்பையன்.  அவர்கள் கடந்த வருடத்தின் இறுதியில் ஒரு உணவகத்தை திறந்துள்ளார்  அவர் வசிக்கும் ஊரிலேயே உணவகத்தை திறந்திருக்கிறார்.  உணவுக்கான ருசிக்கும் கவனிப்புக்கும் நான் கியாரண்டி நண்பர்களே கோயம்புத்தூர் மற்றும் அதன் சுற்றுவட்டாரத்தில் வசிக்கும் நண்பர்கள அனைவரும் ஒரு நடை போய் ருசித்து வாருங்கள்.   திரும்ப திரும்ப நீங்களே செல்ல ஆரம்பித்து விடுவீர்கள்.  உணவகத்தின் பெயர் பூர்வாஸ் ஃபைன் டைன் பன்னாட்டு உணவு வகைகள் மற்றும் இந்தியாவின் சைவம் மற்றும் அசைவம் அனைத்தும் கிடைக்கும். 


உணவகத்தின் முகவரி

பூர்வாஸ் ஃபைன் டைன்,
#2, வெங்கிடசாமி சாலை கிழக்கு,
ஆர். எஸ். புரம்,
(சிந்தாமணி பெட்ரோல் பங்க் அருகில்)
கோயம்புத்தூர் - 641 002.

தொலைபேசி : 0422 - 4376437




நன்றி மீண்டும் வருகிறேன்

» Read More...

மால்வேர்களை கண்டுபிடிக்க காஸ்பர்ஸ்கையின் சட்டரீதியான சூப்பர் மென்பொருள்

நண்பர்களே முதலில் ஒரு நல்ல செய்தி எனக்கு பெண் குழந்தை பிறந்திருக்கிறது.  15-11-2010 திங்கட்கிழமை அன்று இரவு 8:50 க்கு பிறந்தது.  குழந்தை பிறந்தது ஆர் எஸ் ஆர் எம் மருத்துவமனையில் மிக அருமையான கவனிப்புகள் அரசு மருத்துவமனையில்.  என் மனைவிக்கு பனிக்குடம் ஞாயிறு இரவு 11:30 மணிக்கு உடைந்து விட்டது. அது அவருக்கு தெரியவில்லை.  பனிக்குடம்தான் உடைந்திருக்கிறது என்று  என்  மனைவிக்கு பனிக்குடம் உடைந்திருகிறது என்று தெரிந்தவுடன் பக்கதிலுள்ள தனியார் மருத்துவமனையில்தான் முதலில் சேர்த்தேன் அவர்கள் சிசேரியன் தான் செய்ய வேண்டும் என்று சொல்லிவிட்டார்கள். 

உடனே என் மனைவி செவிலி தோழி ஒருவர் உடனே ஆர் எஸ் ஆர் எம் மருத்துவமனைக்கு செல்லுங்கள் என்று கூறினார்.  உடனே நானும் மதியம் ஒரு மணிக்கு மருத்துவமனியில் சேர்த்து விட்டேன்.  அவர்களும் சிசேரியன் தான் செய்ய வேண்டும் என்று கூறினாலும்  அது கடைசி கட்டம் என்றும்  முதலில் உங்கள் மனைவிக்கு இயற்கையான பிரசவ வலி வர மருந்துகள் தருகிறோம் என்று அழைத்து சென்றார்கள். 

அது போல மருந்துகள் கொடுத்த பின் இயற்கையான பிரசவ வலி இரவு 8 மணிக்கு வந்து 8:50 என் பெண் இந்த பூமியில் அவதரித்து விட்டாள்.  மிகவும் மகிழ்ச்சியாக இருக்கிறது.  இந்த நேரத்தில் என்னுடைய சக பதிவர்கள் செய்த உதவி மிகவும் பெரியது நம் நண்பர் வேலன்  நலம் பெற பிரார்த்திப்போம் வாருங்கள் என்று ஒரு பதிவிட்டு என் குழந்தையும் மனைவியும் நலம் பெற பிரார்த்தித்தார்கள்  இந்த நேரத்தில் அனைவருக்கும் என் நன்றியை தெரிவித்துக் கொள்கிறேன். 

இனி இன்றைய பதிவிற்கு போவோம்.

நம் கணினியில் மால்வேர்கள் வந்தால்  நீங்கள் செய்ய வேண்டியது உடனே இந்த தளத்திற்கு சென்று இந்த மென்பொருளை தரவிறக்குங்கள்.  இந்த மென்பொருள் உங்கள் கணினியை ஸ்கேன் செய்து எங்கு மால்வேர்கள் மற்றும் சந்தேகத்துக்குரிய மால்வேர்கள் இருந்தாலும்.கண்டுபிடித்து கொடுத்துவிடும்.  இந்த மென்பொருள் காஸ்பர்ஸ்கை நிறுவனத்தினரால் தரப்படுவதால் இந்த மென்பொருள் மிகவும் நம்பிக்கையானது.  மென்பொருளை தரவிறக்க சுட்டி

இந்த மென்பொருள் குறித்த வலைப்பக்கம் சுட்டி

உங்களிடம் உள்ள மைக்ரோசாப்ட் வேர்ட் 6.0 முதல் 2010 வரை உள்ள கோப்புகளை மைரோசாப்ட் நிறுவாமல் வெறும் விவர் வழியாக பார்க்க இந்த  Viewer உங்களுக்கு உதவும்.  இதே போல் இவர்கள் எக்ஸல் கோப்புகளை பார்க்கவும் ஒரு மென்பொருள் தந்துள்ளார்கள்.

மைக்ரோசாப்ட் வேர்ட் மற்றும் எக்ஸல் கோப்புகளை வெறும் விவர் வழியாக பார்க்க மற்றும் பிரிண்ட் எடுக்க மட்டும் இதை பயன்படுத்தலாம். மென்பொருள் தரவிறக்க சுட்டி

சில பல விளம்பரங்களை கிளிக் செய்யுங்க நீங்க படிக்கீறீங்க அதுக்கு நாங்க ரொம்ப உழைக்கிறோம் எங்கள் உழைப்பிற்கு உங்களால் முடிந்த கூலி கொடுக்கலாமே. விளம்பரங்களை கிளிக் செய்யுங்க  அதோட ஓட்டும் போட்டுங்க..


நன்றி மீண்டும் வருகிறேன்

» Read More...

1 ஆண்டிற்கான சட்டரீதியான காஸ்பர்ஸ்கை இண்டெர்நெட் செக்யூரிட்டி

நண்பர்களே மிக அதிகமான வேலை இருந்ததால் தொடர்ந்து எழுத இயலவில்லை அதற்கு பதில்தான் நம் நண்பர்கள் 50க்கும் மேற்பட்டோர் தொழில்நுட்ப பதிவுகளை எழுதி வருகின்றனரே அதனால் நான் சொல்ல நினைக்கும் விஷயங்களை கூட அவர்கள் சொல்கிறார்கள் நல்ல விஷயம் நான் எழுத ஆரம்பிக்கும் போது மொத்தம் ஐந்து தொழில்நுட்ப வலைத்தளங்கள் கூட இல்லை என் குரு பிகேபி அவர்கள்களை பார்த்து எழுத ஆரம்பித்தனர் பிறகு நான் ஆரம்பித்தேன் என்னை பார்த்து சிலர் ஆரம்பித்தனர் அவர்களை பார்த்து இப்பொழுது பலர் எழுத ஆரம்பித்து விட்டனர் தமிழ் தொழில்நுட்ப வலைப்பூக்கள் விரைவில் நூறை எட்டும் அனைத்து பதிவர்களுக்கும் என்னுடைய வாழ்த்துக்கள். இதில் நண்பர் ஷிர்டி சாய்தாசன் வேறு மாதம் ஒரு முறை தொழில்நுட்ப பதிவர்களின்  தரவரிசை பட்டியலிடுவதால் நல்ல ஆரோக்கியமான போட்டி  உருவாகியுள்ளது.   தோழர்களே போட்டியிடுங்கள் தவறில்லை பொறாமைபடாதீர்கள்.   ஒருவரின் வலைத்தளம் ஒரு குறிப்பிட்ட உயரத்திற்கு வர அவர்கள் தரும் இழப்புகள் அதிகம்.  அதை என் தொலைக்காட்சி பேட்டியின் போதே சொல்லியிருக்கிறேன்.  ஏன் என்றால் இப்பொழுது கூட ஒரு மென்பொருளை சோதிக்க போய் என் நிறைய கோப்புகளை இழந்துள்ளேன்.  ஷிர்டி சாய்தாசன் அவருடைய வலைப்பதிவில் தரவரிசைப் படுத்துவதால் எத்தனை புதியதாக  கணினி கற்பவர்களுக்கும் கற்றுக் கொடுப்பவர்களுக்கும் மிகுந்த உதவியாக இருப்பதை நானே கண்கூடாக அறிந்திருக்கிறேன்.   ஆகையால் யாரையும்  அநாவசியாமாக குறை கூற வேண்டாம்.  இனி இன்றைய பதிவிற்குள் நுழைவோம்.



கணினி உலகில் இணையம் இல்லாத கணினி  உபயோகிப்பவர்களை விரல் விட்டு எண்ணி விடலாம்.  அவர்கள் பாதுகாப்பாக இணையத்தில் உலா வரவேண்டுமானால் அவர்களின் கணினியில் ஏதாவது ஒரு ஆன்டி வைரஸ் அல்லது ஆன்டிவைரஸுடன் இணைந்த இண்டெர்நெட் செக்யூரிட்டி மென்பொருட்கள் தேவை.  இதில் இப்பொழுது மிகவும் பிரபலமாக பேசப்படுவது அத்துடம் மிகவும் நன்றாக செயல்படுகிறது என்ற பெயரை தட்டி செல்கிறது காஸ்பர்ஸ்கை இண்டெர்நெட் செக்யூரிட்டி.  இது இலவசமாக 30 நாட்கள் மட்டுமே செயல்படும் வகையில் சோதனை பதிப்புகள் இணையத்தில் தருகிறார்கள்.  உங்களுக்கு காஸ்பர்ஸ்கை இண்டெர்நெட் செக்யூரிட்டி வேண்டுமென்றால் சென்னையில் உள்ள பல கணினி விற்பனையாளர்கள் உள்ளனர்.   அவர்கள் மூலமாக பணம் கொடுத்து ஒரிஜினல் காஸ்பர்ஸ்கை ஆன்டி வைரஸ் மற்றும் இண்டெர்நெட் செக்யூரிட்டி கிடைக்கும்

இதன்  விலை ஒரு கணினிக்கு  ஒருவருடத்திற்கான ஆன்டிவைரஸ் மட்டும் வெறும் முன்னூறு மட்டும் செலவாகிறது. இதே மூன்று கணினிக்கு ஒரு வருடத்திற்கு 600 - 800  மட்டுமே செலவாகிறது.  அதே காஸ்பர்ஸ்கை இண்டெர்நெட் செக்யூரிட்டி ஒரு கணினிக்கு ஒரு வருடத்திற்கு 500 - 600  மட்டுமே செலவாகிறது அதே மூன்று கணினிக்கு ஒரு வருடத்திற்கு 750 - 900 வரை செலவாகிறது.  இப்படி சுலபமாக குறைந்த விலையில் கிடைக்கையில் ஏன்தான் தேவையில்லாமல் உடைக்கப்ட்ட மென்பொருட்களை நாடுகிறார்களோ தெரியவில்லை.  கணினி உபயோகிப்பாளர்களுக்குதான் தெரியாது இது தவறு என்று.  கணினி நிறுவி தரும் நிறுவனங்களின் சர்வீஸ் என்ஜினியர்கள் மற்றும் தனியாக வேலை பார்க்கும் சர்வீஸ் என்ஜினியர்கள் அனைவருமே ஒரு காரணகர்த்தாவாக இருக்கின்றனர்.  முப்பதாயிரம் செலவு செய்து கணினி வாங்குபவர்கள் அதற்கு என்று உபயோகிக்கும் எந்த மென்பொருளையும் இலவசமாக கிடைக்க வேண்டும் என நினைக்கிறார்கள். அப்படி நினைப்பவர்கள் லினக்ஸுக்கு செல்லலாமே மிகவும் சுலபமாக நீங்கள் விரும்பும் அனைத்தும் கிடைக்கும்.  சரி விடுங்கள் திருந்த நினைப்பவர்கள் திருந்தட்டும்.

சரி இப்படி சுலபமாக காசே இல்லாமல் ஆன்டிவைரஸ் கணினி மற்ற மென்பொருட்கள் இலவசமாக அந்த நிறுவனமோ அல்லது அந்த நிறுவனத்தின் முகவர்களோ சில மணி நேரம் மற்றும் சில நாட்கள் மட்டும் இலவசமாக சட்ட ரீதியாக ஒரு வருடத்திற்கான லைசென்ஸுடன் தரும் பொழுதாவது அதை நீங்கள் உபயோகப்படுத்திக் கொள்ள வேண்டும். 


கீழுள்ள மென்பொருளில் சில பிரச்சனைகள் இருப்பதால் இதை நிறுவவோ தரவிறக்கவோ வேண்டாம் என்று கேட்டுக் கொள்ளப்படுகிறார்கள்.   ஏற்பட்ட தவறுக்கு அனைவரிடமும் மன்னிப்புக் கேட்டுக் கொள்கிறேன்.  தவறை சுட்டிக் காட்டிய பொன்மலர், மற்றும் அன்பரசன் அவர்களுக்கு நன்றியை தெரிவித்துக் கொள்கிறேன்

இப்பொழுது இந்த காஸ்பர்ஸ்கை இண்டெர்நெட் செக்யூரிட்டி மென்பொருள் சீன முகவர்கள் இலவசமாக தரவிற்க்க தருகிறார்கள்  ஒரு வருடத்திற்கான Kaspersky Internet Security 2011 சட்டரீதியாக தருகிறார்கள்.  இதை பெற சில விஷயங்கள் செய்தால் போதும்.




முதலில் இந்த வலைத்தளத்திற்கு செல்லுங்கள்.  சுட்டி



இங்கு உங்கள் மின்னஞ்சல் முகவரியை இரண்டு முறை கொடுங்கள்.  பிறகு கீழுள்ள பட்டனை கிளிக் செய்யுங்கள்.



அடுத்த பக்கத்தில் ஒரு  ஐந்து எண்கள் தோன்றும் அதை வலது பக்க பெட்டியில் டைப் செய்யுங்கள். பிறகு கீழுள்ள பட்டனை கிளிக் செய்தால் அடுத்த பக்கத்தில் உங்களுக்கான Kaspersky Internet Security 2011 கீ கிடைக்கும்.





 காஸ்பர்ஸ்கை இண்டெர்நெட் செக்யூரிட்டி சோதனை பதிப்பு தரவிறக்க சுட்டி




இந்த சலுகை  இன்னும் 25 நாளைக்கு மட்டுமே அதாவது டிசம்பர் - 3 - 2010 வரை மட்டுமே.  முடிந்தவரை விரைவில் தரவிறக்கம் செய்து உங்களுக்கான ஒரு வருடத்திற்கான  சட்டரீதியான இலவச காஸ்பர்ஸ்கை இண்டெர்நெட் செக்யூரிட்ட்டியை இலவசமாக பெற்றுக் கொள்ளுங்கள்.

ஓட்டு போட்டு இந்த பதிவை அனைவரிடமும் கொண்டு செல்ல உதவிடுங்கள்


நன்றி மீண்டும் வருகிறேன்

» Read More...

வைரஸால் பாதிக்கப்பட்ட கணினியை மீட்க மற்றும் சட்டரீதியான கிளவுட் ஆன்டிவைரஸ் இலவசம்

நண்பர்களே கிளவுட் ஆன்டிவைரஸ் இப்பொழுது அனைத்து நிறுவனத்தினரும் வெளியிட ஆரம்பித்து உள்ளனர்.  பழைய பதிவில் சொன்ன மாதிரி இனி கிளவு ஆன்டிவைரஸ் வகைகள் தான் இனி  அதிகமாக ஆன்டிவைரஸ் உலகில் ஆட்சி செய்ய வாய்ப்பு அதிகம்.  பாண்டா ஆன்டிவைரஸ் நிறுவனம் தன்னுடைய பாண்டா கிளவுட் ஆன்டி வைரஸ் ப்ரோவை இலவசமாக தரவிறக்க தருகிறது.  ஆனால் தன் வலைத்தளம் மூலம் இல்லாமல சில நண்பர்களின் வலைத்தளம் வழியாக தருகிறது.  இந்த பான்டா கிளவுட் ஆன்டிவைரஸ் ப்ரோ பெற நீங்கள் செய்ய வேண்டிய வழிமுறைகள் இங்கே கீழே கொடுக்கிறேன்.

இந்த சுட்டி வழியாக இந்த வலைத்தளத்திற்கு சென்றால் அங்கு உங்களுக்கு CNET என்ற வலைத்தளதில் download link என்று லின்க்கை கிளிக் செய்தால் வேறு ஒரு தளத்திற்கு அழைத்து செல்லும் அங்கு உங்கள் பெயர் மின்னஞ்சல் முகவரி கொடுத்து Continue என்ற பட்டனை கிளிக் செய்யுங்கள்.

அடுத்த பக்கத்தில் Place My Order என்பதனை கிளிக் செய்யுங்கள்.

அடுத்த பக்கதில் Get Your Product Nowr என்பதை கிளிக் செய்யுங்கள்.

அடுத்த பக்கத்தில் உங்களுக்கான தரவிறக்க சுட்டி மற்றும்  ஆக்டிவேசன் கோடு உங்களுக்கு காட்சியளிக்கும்.

அதை காப்பி செய்து ஒரு நோட்பேடில் சேமித்துக் கொள்ளுங்கள்.

பாண்டா கிளவுட் ஆன்டி வைரஸை தரவிறக்கி நிறுவி இந்த ஆக்டிவேசன் கோடு கொடுத்தால் உங்களுக்கு ஒரு வருடத்திற்கான இலவச பாண்ட கிளவுட் ஆன்டி வைரஸ் கிடைக்கும்





வால்பேப்பர்கள்

ஹலோவின் வால்பேப்பர்கள் இல்லுஸ்ட்ரேட்டரில் வரைந்தது. 


சுட்டி




 அவெர்ட் ஆன்டி மால்வேர்

உங்கள் கணினியில் ஆன்டிவைரஸ் இருந்து உங்கள் கணினியில் நச்சு நிரல்கள் வந்து அமர்ந்து விட்டனவா அதை அழிக்க முடியாமல் உங்கள் கணினியை பார்மெட் செய்ய போகிறீர்களா.  அதற்கு முன் இந்த மென்பொருளை வைத்து ஒரு முயற்சி செய்து பாருங்கள் எந்த வகை வைரஸ் மற்றும் மால்வேர்களையும் இது நீக்கும் என்று கூறுகிறது. இந்த மென்பொருளின் உள்ளேயே சிசிகிளீனர் இணைந்து வருவதால் தானாக டெம்ப் கோப்புகளில் வைரஸ் இருந்தாலும் நீக்கிவிடும்.  ஆனால் இந்த மென்பொருளை தரவிறக்கி விண்டோஸை சேப் மோடில் இயக்கி அதன் வழியாக ஸ்கேன் செய்தால் பலன் இன்னும் அதிகமாக இருக்கும்.  இந்த மென்பொருளை தரவிறக்க சுட்டி

 




நன்றி மீண்டும் வருகிறேன்

» Read More...

எழுதியதில் அனைவருக்கும் பிடித்த பத்து பதிவுகள்

Google Translator

பதிவுகளை மின்னஞ்சலில் பெற

பதிவுகளை மின்னஞ்சலில் பெற:


உங்கள் கேள்விகளை என்னிடம் கேட்க

தமிழ் பதிவர்களின் பேட்டி

Extension Factory Builder

Add to Google Reader or Homepage

என்னைப் பற்றி

My photo
Chennai, Tamilnadu, India

இதுவரை பதிவு செய்தவை